Popular Bible Verses from Luqka 18

Share

Jnkhaw vjyawng 'Boipaw Yesyuq' na a'tabeq heq j lung pjiq tha kraw yaq hawn nj i-khaw tomti yj suqtong laq hai khrawng khuicut nawk u-nghawt a'hawu khrawng ce

'Pxtpaw Phawlaw' na kha nhi ceng ngj a'nhxp a'yawn suqtong tiq nhi lui cjn khrawng heq j tala phansa pet yaq ling ngj diu hawn nj a'tawk kai tiyj nan'xt nawk kaw. Nang'hi yj ke na hawu hai ka'lx khrawng ce 'Pxtpaw Phawlaw' na nhi tiq tok a'yawng ngj tala a'phansa pet tai. Sinakha 'Ceqcaw' a'lo ba hxvj nhi na somdek khrung ngj yum me tiq khrawng heq a'khom lo hawm mai yaw tiyj a'hawu.

'Boipaw Yesyuq' na khrawng heq na an'poqcai njn yaq khrawng heq 'Pxtpaw Phawlaw' na a'poqcai njn tiyj a'hawu.

Jn tala khranhya tiq na tala phansa pet kaw vj khonhxp khokum diu hawn nj beq naw yaq kaw vj a'tawk. Sinakha nhi na ke na 'Pxtpaw Phawlaw' kha kiq hx, khrawng heq kha thalhi naw yaq na kha. Ni mhe'nu na ke khrawng i-hx tom mj a'betbet nawk soi khennj nhi tok tala phansa pet hxvj yawng a'bji yai nghxq yawng. Jn baw siyaqna ce nhi khrawng mhokmhji lo soi theqna ke lung a'yai sawk kai tiyj a'punghaw ko a'punghaw a'hawu ve" tiyj a'hawu.

Nang'hi yj ke na a'mhawn ka'hawu vai. "'Pxtpaw Phawlaw' neng-ngeng khrawng dikcaw heq baw vj khin ne yaq tiq heq khrawng jn neng-ngeng yj vawng laq hai siyju uq" tiyj a'hawu.

Sinakha 'Boipaw Yesyuq' na dikcaw heq pan ne theqna a'tabeq heq j "dikcaw heq ke ceng ngj lo lhaq lhji uq. Nga ye kawq cuq. 'Pxtpaw Phawlaw' neng-ngeng khrawng jn bawng dikcaw heq neng-ngeng yj a'thonne.

'Boipaw Yesyuq' na kha na'mikmhu ba nghxq yawng nang yum khrawng na nang mik a'bji ba sawk pjn tiyj a'hawu.

'Boipaw Yesyuq' na ke yj ibahai yj bji tiq tiyj na'hawu. 'Pxtpaw Phawlaw' vj kxq loi na bji tiq u-kha mji yju uq.