Popular Bible Verses from Ufaru 6

Share

Reve a̱tsuma̱ a̱ la̱nga̱ yi a na u yuwain vaɗilima̱ o uvaɗi, a̱vu u ɓa̱li yi lon.

Reve gba A̱sulazuva e ene iwuya yi vaɗilima̱ i yuwan ta̱ a̱bunda̱ lon a̱tsuma̱ o uvaɗi, waru majiyan mo okolo me le biti iwuya i ɗa kuci.

Amma Nuhu tsura̱ ta̱ isa'ani a̱ ma̱ka̱ka̱n ma̱ A̱sulazuva.

Apa alabari a limatan va̱ Nuhu. Nuhu vuma va̱ a̱ɓula̱ ɗa, u da̱na̱ ni iwuya a mantsa me le shi. U yuwan ta̱ mmalu na̱ A̱sula̱.

Reve A̱sulazuva a damma, <<N ta̱ kimusa̱ vaɗilima̱ na n yuwain o uvaɗi, vuma ni inama ni ili yi ika̱ta̱pu na̱ nnunu n tsu'yan, adama a na n yuwan ta̱ a̱tsumola̱ngu a na n yuwan nle.>>

A mantsa ma na ama a balai a̱tsuma̱ o uvaɗi reve waru a matsan esheli, reve muwun ma̱ A̱sula̱ me ene esheli'i a̱ ta̱ ulobonu, ɗaɗa a ɗangulaa yi aciyele aza a na a cigai o o'wo a̱ma̱ci e le. Reve A̱sulazuva a damma, <<Ruhu va̱ a̱a̱ da̱nu na̱ vuma kuci shi, adama a na ele a̱ ta̱ lipu. A'wan e le o to o'wo a'wan ukpaku nu ushin.>> A yuwan ta̱ a̱ba̱jini a̱ba̱jini a ama o uvaɗi a mantsa mo ndolo na̱ mantsa me elime, ana muwun ma̱ A̱sula̱ n uwai uba̱ta̱ we esheli a ama, reve a matsaan le muwun. Ele ɗa ama o ucira o ufaru, aza a na a yuwain ala.

A̱vu Nuhu yuwan ili i na A̱sula̱ a damma niyi u yuwan suru.

Reve A̱sula̱ a damma Nuhu, <<N zuwa ta̱ okolo a na moo una vaɗilima̱ suru, adama a na ama o shitoyin uvaɗi nu u'ya̱susa̱n wu ugbozu. Amayun, n to kototo le oɓolo nu uvaɗi'i.

Vu foɓoo aciya̱wu wantsun na akpata o ugbamu, vu yuwan pe asula a wantsu'un, vu sura yi ne erepu a̱tsuma̱ na alanga.

Reve A̱sula̱ e ene uvaɗi u la̱nga̱ ta̱, adama a na ama o uvaɗi suru ama a̱ a̱ɓula̱ a ɗa shi a wuma u le.

<<A̱tsuma̱ e ili i na i ri wuma suru, vo oto le ejere-re a wantsu'un, a̱na̱wun no ogono, tsa̱ra̱ a̱ da̱na̱ wuma oɓolo na̱ a̱vu.