Popular Bible Verses from Mark 12

Share

Jisas pana win: —Lâ sut tilara tâura ba lika naha sa: ‘Wals, Israel: Dawan wan Gâdka ba kumi baman sa. Man Dawan Gâdkam ra latwan kaikma kupiam aiska, sulkam aiska, lukankam aiska, bara karnikam aiska ni.’ Naha sika lâ kau tara ba. Wala naha wal baku ba lika naha sa: ‘Uplikam ra wînam ra latwan kaikisma ba baku latwan kaikma.’ Naha nani purkara lâ wala âpu sa.

Bara Jisas ai disaipilka nani ra paiwi, naku win: —Kasak man nani ra mai wisni: Naha piarka mairin umpira na, wala nani lalah mangkaika watla ra lalah mangkan ba purkara kau yaban sa; kan witin nani sut ai lalahka ailal yuyaka ba wina yan, sakuna witin lika umpira, raya iwaia dukia kata ba sut yaban.

Yu kum Jisas tempel ra iwi kan, lalah mangkaika watla mawan kat. Witin lika upla nani lalah mangki ba kaiki kan, bara nahki lalahkira nani lalah ailal mangki kan ba sin. Piarka mairin umpira kum balan, bara lalah mangkaika watla ra lalah mâ sirpi wâl mangkan, praiska ba tara lika apia kata.

Bara Gâd ra kupia aiska, lukanka aiska, sulka aiska, karnika aiska ni latwan kaikaia ba, wan uplika ra wan wîna baku latwan kaikaia ba sin, sakripais nani, daiwan nani altar ra angki ba sut wal kau purkara sa.

Bara Jisas witin nani ra win: —Man nani Rom wihtka ra yas, dîa Rom wihtka dukia ba, bara dîa Gâd dukia ba, Gâd ra yas. Bara aisin ba dukiara, tâ iwan.