Popular Bible Verses from Matiu 5

Share

Baku sin, upla kumi sin lamp kum angki baks kum munhtara mangkras; sakuna lamp kahbaika purara kahbisa, upla nani utla bilara ba sut ra ingni yabaia. Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

“Man nani sika naha tasbaya ingnika sma. Tawan kum il purara ba yukuwaia sip apia sa.

“Lilia pali sa baha nani ai kupia tâski âpu bri nani ba, kan witin nani Gâd kaikbia bamna.

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

“Lilia pali sa kupia kumi lâka dadaukra nani ba, kan witin nani Gâd luhpia nani wibia bamna.

“Lilia pali sa sari bri banhwi nani ba, kan Gâd mita maisa nihkan kabia bamna.

“Lilia pali sa baha nani pât wahwi ba Gâd mita dîa daukaia win ba dauki ba, kan king lâka kasbrika purara ba wina witin nani ai dukia bribia bamna.

“Lilia pali sa upla wala ra umpira kaiki nani ba, Gâd sin witin nani ra umpira kaikbia bamna.

“Liliam pali bas man nani, mamwanra upla mita saura mai wibia, rau sin mai sauhkbia bara yang tâiwan saura mai munbia kunin lâka ra. Liliam pali bas, man nani âmyapah sin bas, kan kasbrika purara mamna tara kum bâra sa bamna, kan baku sin upla saura nani mita prapit nani ra rausauhkan baha nani kainamra bâra kan nani ba ra.

“Lilia pali sa kupia bawikira nani ba, Gâd bui witin nani tasba yabaia pramis munan ba bribia bamna.

“Man nani sika naha tasbaya sâlka sma. Sakuna sâl ba ai damnika tikbia kaka, ¿nahki kli damni takbia? Baha ba bahki takan sa, lulkaia upla mita ai mina ni taibia baman lika.

Man nani upla kasakkira banhwi bas, kasbrika purara ba kasakkira sa baku.

Witin nani wisa ‘âu’, aisin ba baku âu kabia; witin nani wisa ‘apia’, aisin ba baku apia kabia, baha wina kau wala aisabia, baha saura.

“Man nani pat walram kainamra aisin ba: ‘Nakra pana nakra, bara napa pana napa.’ Sakuna yang mai wisna: Upla saura mapara bupara; sakuna, ya mita mamwan tani kum ra prukbia kaka, tani wala ba sin laki yas.

“Bamna, namkra aihkika ba bui saura ra mai batakisa kaka, daiki muni laihura lulks; kan kau aitani sa wînam tara tâka kum ban tiwbia, bara wînam aiska hil pauta ra mai lulkan kaia lika apia. Mihtam aihkika ba saura ra mai batakisa kaka, klaki laihura lulks; kan kau aitani sa wînam tara tâka kumi baman tiwbia, kuna wînam tara aiska hil pauta ra mai lulkan kaia lika apia.