Popular Bible Verses from Matiu 28

Share

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin. Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Bara insal ba mita mairka nani ra win: —Man nani si bripara. Yang kaikisna man nani ba Jisas dus prihni ra pruan ba plikisma. Nâra âpu sa, witin aisin ba baku pruan wina buan sa. Bamna bal kaiks witin tnikan pliska ba.

Jisas mita mairka nani ra win: —Man nani si bripara. Muihki nani ra wih maisa paks Galili ra wabia, bara bahara ai kaikbia.

Naha wihtka nani, wihta almuk nani aikuki ai lâka daukan; bara suldiarka nani ra lalah ailal yabi muni, bara witin nani ra win: —Man nani naku aisas: “Yang nani tihmia yapi kapri, Jisas disaipilka nani bal ai wîna tara ba implikan.” Bara wihta tara kiama ra naha dimbia kaka, yang nani aisi kupia alkamna, bamna man nani pât brima lika lukpara. Bara suldiarka nani lalahka ba brin, bara dîa win ba kat wih daukan. Bara naiwa yua kat ban Ju nani baku tânka ba aisisa.