Popular Bible Verses from Matiu 24

Share

Saurka uya kabia bamna, upla nani pana pana latwan lâka bri ba aihkika sut swibia. Sakuna ya tnata kat ban bapi bubia ba, swaki sakan kabia.

Bara naha king lâka sturka yamni na tasba aiska ra smalkan kabia, kuntri sut baha ba pain kaikbia dukiara; bâra lika tnata ba aimakbia.

Man nani sin war nani dukiara bara war trabilka nani dukiara sin aisi kabia walma, sakuna sirang iwpara, baha ba baku kaia sa bamna; kuna tnata ba lika kau sa.

Kan kuntri kumi mita wala mapara aiklabia, tasba kum mita wala mapara war aiklabia; plun tiwan sin bara tasba nikban nani sin plis ailal ra kabia. Naha sut na lika pât wahwaia tâka ba sika.

Kasbrika tasba wal lui wabia, sakuna bîli nani lika aimakan kabia.

Kan upla ailal yang nini mâki balbia, bara naku aisabia: ‘Yang sika Misaya’; bara upla ailal ra kunin munbia.

“Bara upla nani mita mai alki rau mai sauhkaia mai mangkbia, bara mai ikbia, bara upla sut mita yang tâiwan misbara mai kaikbia. Baha piua ra upla ailal ai kasak lukan lâka ba tikbia, bara pana pana ai walka ra misbara kaikan kabia, waihla mihta ra sin mangkbia. Kuninkira ailal bubia, bara wibia witin nani ba Gâd prapitka sa, bara upla ailal ra kunin munbia.

Bara Jisas bila witin nani ra: —Aman kaiks, upla kumi sin yarka kunin mai munbiara.

Baha mita, man nani sin ridi kaia sma; kan bîla kaikras kaprika Upla Luhpia Waitna ba balbia.

“Man nani aihwaki bas, Dawan dîa awarka ra balbia ba kaikras sma bamna.

“Sakuna yua ba bara awarka ba lika upla kumi sin kaikras, kasbrika purara insal nani ba bara Gâd Luhpia pali sin kaikras. Gâd Aisa baman baha kaikisa.

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

“Noa yua nani ra pât takan ba baku takbia, Upla Luhpia Waitna kli balbia ba ra. Baha yua nani ra, lisamra tara ba kainara, upla nani ba plun baman pi kan, diara di kan, marit taki kan, ai luhpia mairin nani marit saki kan, Noa ark ra diman yua ba kat; bara witin nani ai dara walras kan, lisamra tara ba bal sut brih wan ba kat. Upla Luhpia Waitna balbia piua sim baku kabia.