Popular Bible Verses from Matiu 13

Share

Sakuna saumuk nani tasba yamni ra mangkan ba lika, sturi yamni walan bara tânka ba brisa, ba mita mâ sin pain sakisa, kum kum ba mâ kumi wina 100 sakan ba baku, wala nani 60 sakan ba baku, apia kaka 30 sakan ba baku.”

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Yabal ra saumuk nani kauhan ba lika, Gâd king aimaki ba lâka sturka yamni walan sakuna tânka briras nani ba baku sa; dibil ba aula, bara ai kupia ra sturi yamni mangkan kata ba, mihta dakbisa.

Walpa nani tilara saumuk nani kauhan ba lika, upla nani sturi yamni ba wali, liliakira bri banhwi ba baku sa, sakuna plamaika aitani tihu apia bamna, aihwa sip ban takaskras; bara sturi yamni ba tâwan trabil nani bara rausauhkan nani brisa piua ra, witin nani ba batakan sa.

“Gâd king aimaki lâka ba tasba kum ra diara manira yukukan ba baku sa. Baha ba upla kum sakisa, bara baha sim tasbaya ra yukukisa. Ai lilia bamna, ai dukia nani bri ba sut wauhi atki muni, baha tasbaya atkisa.

Sakuna wala nani lika tasba yamni ra kauhan, mâ sin pain sakan; kum kum mâ kum wina 100 mâ sakan, wala nani 60, bara wala nani 30.

Swis wâlsut pâwbia dâkaia piua kat; bara baha piua ra, wark uplika nani blikrika inma saura ba pas daiki, karban nani dauki, angkbia, bara baha ningkara, plawar mâ ba lika pati watla ra sunbia.’ ”