Popular Bible Verses from Hibru Nani 9

Share

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Upla bani ba aima kumi baman pruaia sa, bara baha ningkara Gâd mita lâka daukbia.

Lâ bîla wisa, diara nani aihkika ba tala ni klin daukan kaia sa; bara tala saki laikras kaka, saurka nani ba sip swih tikras sa.

Baha mita, Jisas Kraist ba lika lâ daukan raya kum lengstarka sa. Kraist pruanka ba takan sa, upla nani pas lâka daukan munhtara nani kan saurka daukan nani ba swih tikaia, bara Gâd mita paiwan uplika nani ba ban kaia dukia nani Gâd mita yaia pramis munan ba, witin nani briaia sip kabia dukiara.