Popular Bible Verses from ရှင်လုကာ 7

Share

အဲမိုဂျော့ အယ်မျိုးမီးဟ သူရဲ့မေတ္တာတရားကီးမားပုံဝို ဖော်ပြခဲ့ရိတွက်ဂျော့ သူရဲ့ပြစ်ဒွေဝို ခွမ့်လွှတ်ပေးလိုက်ပီဖြစ်ရယ်။ အယ်ဘေမဲ့ ချစ်ခြင်းမေတ္တာနဲငယ်ဝိုဘဲ့ ဖော်ထုပြသဝိုသူဟ ခွမ့်လွှတ်ရှင်းနဲနဲရားဝိုဘဲ့ရမယ်။ အဲနော့ ကိုယ်တော်ဟ အဲမိုမျိုးမီးဝို “နန့်ပြစ်ဒွေဂူလုံး ခွမ့်လွှတ်လိုက်ပီ” ဆိုပီး မိတော်မူလိုက်လေရယ်။

အယ်ဘေမဲ့ ကိုယ်တော်ယေရှုဟ အဲမိုမျိုးမီးဝို “နန့်ရဲ့ယုံကြည်ခြင်းဂျော့ ခု နန်ကယ်တံဇာခံရပီ။ ငြီးချမ်းစွာသွားပါ” ဆိုပီး မိတော်မူလေရယ်။

သူဟ ကိုယ်တော်ရဲ့နော့မှာရပ်ပီး ခေတော်ရင်းမှာရပ်ပီး ဝမ်းနည်းစွာငိုကြွေးလိုက်ရိဂျော့ ကိုယ်တော်ရဲ့ခေတော်ဆီ သူရဲ့မျစ်ရည်ဒွေ စီးကလသွားခီမှာ ခေတော်ဝို သူရဲ့ဆန်းဘန်ဒွေန ခြော့သွေ့အော်သုပေးလိုက်ရယ်၊ ကိုယ်တော်ရဲ့ ခေဒေါ့ဝိုနမ်းရှိုက်လိုက်ပီး ရေမွှီးန သွန်းလောပူဇော်လေရယ်။

အဲမိုပြင် အရှင့်ဆီဝို လာရော့ဝို့လဲ ကျနော်ဟ ထိုက်တန်ရ၊ အဲမိုစား အရှင်ဟ မိဘဲ့ပေးလိုက်ပါ။ အဲဆိုဝါ ကျနော်ရဲ့စေခံဟ ကျန်းမာလာပါလိမယ်။ ကျနော် အယ်မျိုးပြောရဝိုဇာဟ ကျနော်ဟလဲ ခြားသူဒွေရဲ့ မိအာဏာအော့မှာ ရှေ့နေသူဖြစ်ပါရယ်။ သူ့နို့မိပေးရယ်ဆိုဝါ ကျနော်ဟ သူ့နို့ မိဝိုနာခံရပါရယ်။ ကျနော်ရဲ့လက်အော့မှာလဲ စစ်သားဒွေရှေ့ပီး သူ့နို့ဟ ကျနော်ရဲ့မိဝို နာခံရရယ်။ ကျနော်ဟ စစ်သားတယော့ဝို ‘သွား’ ဆိုပီး မိပေးရယ်ဆိုဝါ သူဟ သွားရပါရယ်။ စစ်သားနော့တယော့ဝို ‘လာပါ’ ဆိုပီး မိပေးရယ်ဆိုဝါ သူဟ လာရပါရယ်။ ကျနော်ဟ ကျနော်ရဲ့စေခံဒွေဝို ‘အဲမိုဇာဝို လုပ်ဂေ့ပါ’ ဆိုပီး ပြောဝါလဲ သူ့နို့မှာ လုပ်ရပါရယ်” ဆိုပီး ပြောလေရယ်။ အဲမျိုးပြောဇာဝို ကိုယ်တော်ယေရှုကြားရဝိုခီမှာ ရားဒိုင်းအံ့ဩဝါးပြီး သူ့နော့ဟနေ လိုက်လာဝို လူဒွေဝို “အစ္စရေးလူမျိုးဒွေထဲမှာ အယ်မို လူမျိူးခြားတပ်မှူးမျိုး ယုံကြည်မှုကီးမားဝိုသူဝို ဗြင်ဖူးသေးရ” ဆိုပီး မိတော်မူလေရယ်။

အဲမိုခီမှာ ကိုယ်တော်ယေရှုဟ ဖျားနာဝိုသူဒွေဝို ကုသပေးပီး၊ ကောဆိုးဝါးပူးကပ်ခံနေရဝိုသူဒွေဝို နှံထုပေးနေဇာဝိုပြင် မျစ်မမြင်များဂီးဝိုလဲ မျစ်စိပလန်ဗြင်စေဝို့ ကုသပေးနေခဲ့ရယ်။ အဲနော့ ကိုယ်တော်ယေရှုဟ သူ့နို့ဝို နန်းနို့ဗြင်တွီ့ရဝို ဇာဒွေဝို ယောဟန်ဆီသွားပီး ပြောပြလိုက်ပါ၊ “မျစ်မမြင်ဒွေဟ ခုမျစ်စိဗြင်ဂေ့ရပီး၊ ခေလက်မသန်စွမ်းဘဲဝို သူဒွေဟလဲ လမ်းရှော့နိုင်ဂေ့ပီ၊ နာဂီးရောဂါသည်ဒွေဟ ရောဂါပျော့ကမ်းဂေ့ရပီ၊ နားမကြားဘဲဝို သူဒွေဟလဲ နားကြားရားဂေ့ပီ၊ သေသူဒွေဟ သက်ပလန်ရှင်ဂေ့ပီ၊ ဆင်းရဲသားဒွေဟလဲ ဘုရားရှင်ဆီဟ ဒန်းဂေါဝို ကြားသိ နေဂေ့ရပီ။