Popular Bible Verses from ရှင်လုကာ 17

Share

အဲမို ရှမာရိပြည်သားဝို “ထပီးသွားပါလော့၊ သင်ဟ ငါ့ဝို ယုံကြည်ရိတွက်ဂျော့ သင့်ရဲ့ နာရောဂါ ပျော့ကမ်းသွားပါပီ” ဆိုပီး မိတော်မူလေရယ်။

သူဟ နန့်ဝို နေ့ဒဲမှာ ခုနှေ့ခါပြစ်မှားပေမဲ့ သူပြစ်မှားဝိုခီတိုင်း လာပီး ပလန်တောဘန်ရယ်ဆိုဝါ သူ့ဝို ခွမ့်လွှတ်လိုက်ပါ” ဆိုပီး ဗြိဒွေဝို ပြောပြရယ်။

သူ့နို့ထဲဟ ယော့ဟ နာရောဂါပျော့ကမ်းရားဇာဝို သိန ကိုယ်တော်ယေရှုဆီဝို ပလန်လှည့်လာပီး ကလယ်လော်ဝိုသံန ဘုရားရှင်ဝို ဂုဏ်တံပီး ကျေးဇူးတော်ဝို ချီးမွမ်းလေရယ်။ အဲနော့ သူဟ ကိုယ်တော်ယေရှုရှေ့ ခေရင်းမှာ ဒူးထော့ဦးညွှတ်ပီး ကိုယ်တော်ဝို ကျေးဇူးတံဂါးပြောလေရယ်၊ သူဟ ရှမာရိလူမျိုးတစ်ယော့ဖြစ်လေရယ်။

အဲဂျော့ နန်းနို့လဲ ဒိထားဂေ့ပါ။ ဂယ်ရိ ယုံကြည်သူချင်းချင်း ပြစ်ခုခုလုပ်ခီ သူ့ဝိုဆုံးမဂေ့ပါ။ သူနော်ဒရရယ်ဆိုဝါ သူ့ဝို ခွမ့်လွှတ်ဂေ့ပါ။

ကိုယ်တော်ယေရှုဟ “လူဆယ်ယော့လုံး ရောဂါပျော့ကမ်းသွားဇာ မုဝလော၊ ကျန်ကိုးယော့ဟ ဟယ်မှာနူး” ဆိုပီး မေးမြန်းတော်မူလေရယ်။

ကိုယ်တော်ဟလဲ “ဂယ်ရိ နန့်ရဲ့ယုံကြည်ခြင်းဟ မုညင်းဇေ့လော့ရှေ့ရယ်ဆိုဝါ အယ်မိုပိုးစာပမ်ဝို မလစ်ပါ ကျွတ်ထွက်ပီး ပမ်လယ်မှာ ပေါ့ပါစေ ဆိုပီး ပြောရယ်ဆိုဝါ အဲမိုတိုင်း ဖြစ်လိမယ်။”

မိမိသက်ဝို ကယ်တံဝို့တွက် ကြိုးစားအားထုသူဟာ သက်ဆုံးရှုံးဂေ့ရလိမယ် ဖြစ်ပီး၊ သက်ဆုံးရှုံးဂေ့ရဝိုသူဒွေဟ ကယ်တံဇာခံဂေ့ရလိမယ်ဖြစ်ရယ်။

အဲနော့ ကိုယ်တော်ယေရှုဟ သူ့ရဲ့ဗြိတော်ဒွေဝို “လူဒွေဟ ဘုရားရှင်ဝို နာခံမှုမှေ့ဘဲအော် ခြားလူဒွေဝို ဖျားယော်သွီးဆော်မှာဟ သေးချာဘဲ့ဖြစ်ရယ်။ အယ်ဘေမဲ့ လူဒွေဝို ပြစ်ကျူးလွန်အော် စေ့ဇပ်လှုံ့ဆော်ဝို သူဒွေဟလဲ ဆင်းရဲဒုက္ခဂီးန ကြုံတွီ့ရလိမယ်ဖြစ်ရယ်။ သူများဝို ပြစ်ဒုဇရိုက် ကျူးလွန်စေမဲ့စား ကိုယ့်လည်ဘန်းဝိုကိုယ် ကြိုးဂွမ်းစွပ် ကလော့တုံးဆွဲပီး ပမ်လယ်ထဲဝို ခူခလလိုက်ဇာဟ ပိုကောမယ်။

နောဧလက်ထပ်မှာ ဖြစ်ပျစ်ခဲ့ဝို ရေကီးဇာန မကြုံခံဒူးဟ လူဒွေပြုမူနေထိုင်ရားဝိုမျိုး ငါ လူ့သားတော် ပလန်ကြွလာဝို့ခီ မတိုင်ခံမှာလဲ လူဒွေဟ စဒူးဟတိုင်း ပြုမူနေထိုင်ဂေ့လိမယ်ဖြစ်ရယ်။ အဲမိုခီဒူးဟ လူဒွေဟ သူ့နို့လုပ်နေဂျတိုင်း စားလိုက်၊ သော့လိုက်၊ လက်ထပ်ထီးမြားလိုက် နေထိုင်ခဲ့ဂေ့ရယ်။ နောဧဟ သူဆော့ရားဝို သန်းဖောထဲဝို ဝမ်ဝိုနေ့မတိုင်ခံထိ သူ့နို့ဟ အဲမိုတိုင်းဘဲ့ ဆစ်ပီး နေနေဂေ့ရယ်၊ အဲနော့ ရုတ်တရစ် ရေကီးလာရိ သူ့နို့ဂူလုံး ရေမလုပ်ပီး သေဂေ့လေရယ်။