Popular Bible Verses from လုကာ 23

Share

အိမ်မှအခါ ကိုယ်တော်ယေရူနာ အမင် လက်ဝါးကပ်တိုင်ဖုံးငါ တင်ဟေကလူးရက်ကအတွက် "အို အဗား(ဖ်)ဘုရားရှင် အမာရက်နာ အဇာရက်အင်လိစ်တုန်းကယားငါ့ဟေကင့် အချေးကတောင်း အမာရက်အင် ခွင့်လွတ်အီယန်နက်နိမ့်"ငါ့ကို ဆုစိန်လင်ကဟေ။ မှနောက်အာ စစ်ဆာရက်နာ ကိုယ်တော်က အဝတ်စားရက်အင် မဲနှိုက်ကို့ မန်လာလင်ကဟေ။

အိမ်မအခါ ကိုယ်တော်ယေရှုနာ အမင် "နင်ငင် ငါအမှန်ငန်းဂါ နင်နာ ယက်တင့် ငါအိမ်မက်တာ ပရဒိသုဘုံဝါ ငန်ကား" ငါးဂို ငှားလင်ကဟေ။

မှနောက်အာ အမာနာ ကိုယ်တော်ယေရူငင် "ကိုယ်တော်၊ ကိုယ်တော်နာ ရှင်ဘုရင်အဖြစ် အုပ်ချူပ်ကဇိစ် ကြွဗန်(ဖ်)ဟေကရပ် ငင် သတိလှုဝန်နက်နိမ့်"ငါ့ကို လျှောက်တင်လင်ကဟေ။

မှနောက်အာ ကိုယ်တော်ယေရူယေ ဟော်ကို "အို အဗား(ဖ်)ဘုရား ငါကဝိညာဉ်ယင် အဗား(ဖ်)ဘုရားကတာဟူးဝါ အက်အန်နက်မက်"ငါ့ကို ငါ့ကျီးကရပ် အဆက်မုန်ဖြောက်လင်ကဟေ။

"အဟူးအခွံ"ငါ့ကိုအော်ဟေကအရပ်အာ ထုန်ဟေကရပ် အမာရက်နာ ကိုယ်တော်ယေရူယင် လက်ဝါးကပ်တိုင်ဖုံးငါ တင်ကို့ ဇေ့အိမ်နက်ကို့ပီလင်ကဟေ။ ရာဇဝတ်သားနိမ့်ဟူးငင်ယေ့ ကိုယ်တော်က ပုတ်ဆလက်ဖက်အာဟူးဝါ၊ ပေလက်ဖက်အာဟူးဝါ လက်ဝါးကပ်တိုင်းဖုံးငါတင်ဂို့ ဇေ့နက်လင်ကဟေ။

အိမ်မှအချိန်နာ စမိတ်မွန်းတည့်ချိန်ဖြစ်ဟေ။ အိမ်မှအချိန်ငါဘင်းစကို့ နက်တိုက်ဘက် သုံးနာရီထိ ကမ္ဘာမြေဆူးဝါလုံးနာ ထင့်မုတ်မုတ်ဖြစ်တုန်းလင်ကဟေ။ အဇာရိကို့အငါနဲ့ စမိတ်ကအလင်းရောင်နာ ပျောက်ကလင်ကတောင်းဖြစ်ဟေ။ အိမ်မှအချိန်ငါ ဗိမာန်တော်အတာဟုန်းငါက ကန့်လန့်ကာယေ့ နိမ့်စိပ်စိပ်ကလင်ကဟေ။

မှအဖြစ်အင်ပိုဟေကား ရောမတပ်မှူနာ ဘုရားရှင်ဂါဘုန်းတန်ခိုးငင် ချီးမွမ်းဂို့ "မှလူးနာ အမှန်တကယ်ဒင့် ဖြောင့်မတ်ကလူးဖြစ်ဟေ" ငါးဂို့ ငှားလင်ကဟေ။