Popular Bible Verses from လုကာ 16

Share

အသေးမွှားကိစ္စရက်အင်ဒင့် သစ္စာရှိရှိ စီမံခန့်ခွဲကလူးရက်နာ အရေးကြီးဟေကားကိစ္စရက်အင်ယေ့ သစ္စာရှိရှိ စီမံခန့်ခွဲကလူးရက်ဖြစ်ဟေ။ အသေးမွှားကိစ္စရက်အင် လိစ်ဟေကရပ်တင့် အရိုးသားကလူးရက်နာ အရေးကြီးဟေကား ကိစ္စရက်အင် လိစ်ဟေကရပ်အ(လ်) အရိုးသားကလူးရက်ဖြစ်လင်ကား။

အဆီအငှားဆာယေ့ သခင်နှစ်ဟူးငင် တစ်ပြိုင်းတည်းသစ္စာအငါလှုပါ(လ်)။ အဇာရိကို့အငါနဲ့ အမာနာ ဟူးဝါမုန်းကို အယောက်ကဟူးဝါမေတ္တာလင်ကား။ ဟူးဝါ သစ္စာငါနဲ့က(လ်) အယောက်ကဟူးဝါက(လ်) အလေ့စားလင်ပါ(လ်)ကား။ အိမ်မဒေလေဟုန်း နနိန်ရက်နာ ဘုရားရှင်အိမ် လောကီစည်းစိမ်ယင် တစ်ပြိုင်းတည်း အငှားဆာဟင်းကိုလှုလင်ကားအရိ(လ်) ပါ(လ်)"ငါ့ကို ငါ့လင်ကဟေ။

မှအကြောင့် နနိန်ရက်နာ မှလောကကား နင်ပိုင်ဆိုင်ဟေကား စည်းစိမ်ဥစ္စာရက်အင် စီမံခန့်ခွဲကဇိစ် ယုံကြည်စိတ်ချမူအငါနဲ့က(လ်) ရွှေမြို့တော်ဝါက စစ်မှန်ဟေကား စည်းစိမ်ချမ်းသာရက်ကအတွက် ဘုရားရှင်နာ နင်ငင် ယုံကြည်လင်ကားအရိပါ(လ်)။ နနိန်ရက်နာ အယောက်ကလူးရက်ပိုင်ဆိုင်ဟေကား အူဇာရက်အင် စီမံခန့်ခွဲကဇိစ်အတွက် အရိုးသားကလူးရက် ဖြစ်တုန်းနဲ့က(လ်) ဘုရားရှင်နာ နနိန်ရက်အိမ်သက်ဆိုင်ဟေက ဆူးဝါက အူဇာယေ့ စီမံခန့်ခွဲကဇိစ် အီလင်ကားအရိပါ(လ်)။

အာဗြဟံယေ "အမာရက်နာ မောရှေအိမ် ပရောဖက်ရက် ရေးပီဟေကားကျမ်းရက်အင်ဒင့် အလိုက်နာနဲ့က(လ်) ဆိန်းကမဘင်း ပြန်ကို ဆိမ်းငန်ကလူးက တူးဝင်ယေ့ လက်ခံယုံကြည်ကို့ နောင်တသံဝေဂလှုကားအရိ(လ်)ပါ(လ်)'ငါ့ကို ပြန်ကိုပြိစ်နက်ဟေ"ငါ့ကို ငါ့လင်ကဟေ။

အပါနာဂါ အအီတာကွာရှင်းဂို့ အခြားတဆလောင်ဟူးဝါ လက်ထပ်ဟေက လူးနာ အိမ်ထောင်ရေးဖောက်ပြန်မူ ကျူးလွန်ဟေကားလူးဖြစ်ဟေ။ အဟြိုဗာ(ဖ်)နာ ကွာရှင်းပီဟေကား တဆာလောင်ငင် လက်ထပ်ဟေကယေ့ အိမ်ထောင်ရေးဖောက်ပြန်မူငင် ကျူးလွန်ဟေကားလူးဖြစ်ဟေ" ငါ့ကို ငါလင်ကဟေ။