Popular Bible Verses from လုကာ 10

Share

အတေးယင့်ဂီး။ ငါစာ နနိန်ရက်ဇိစ် ကဖူး(ဖ်)ရက်အိမ် ကင်းရက်အင် ပျက်ကို့ ငါရက်က ရန်သူဖြစ်ဟေကား မာရ်နတ်အင် နိမ့်လှုကား အခွင့်အာဏာယင့် အက်ပီယင်နန်း ဖြစ်ဟေ။ မှအကြောင့်အိမ် နနိန်ရက်အင် ဆူးဝါကအူဇာယေ့ ထိခိုက်မနီးလိစ်လင်လှုကားအရိပါ(လ်)။

အိမ်မားအခါ ကိုယ်တော်နာ "မာသ၊ နင်နာ အူဇာစုတ်ရက်အင် စိုးရိမ်စိတ်အိမ် အလိစ်ပြိစ်တုန်းကယေ့ " အမှန်က(လ်) အဒင့်စိုးဟေကအူဇာ ဆူးဝါမယ်ငါဟေ။ မာရိက(လ်) မှအူဇာရက်အင် ရွေးချယ်ပီယင်နန်းဖြစ်ကို အိမ်မား အမာထနဲ့ကား ဖယ်နက်ကိုအလှုနန်းကား"ငါ့ကို င့ါလင်ကဟေ။

အိမ်မှလူးနာ "ကျမ်းစာယာ နင်ကအရှင်သခင်ဖြစ်ဟေကား ဘုရားရှင်ငင် ကိုယ်၊ စိတ်၊ နှလုံးသုံးပါးအိမ် ထုပ်ဖော်ဆနပ်ကို့ နနိန်ရက်ကအသိဉာဏ်ငါကဒက်အိမ် အစွမ်းကုန် ကြည်ညိုဆက်ကပ်ပိုကားဖြစ်ဟေ။ အိမ်မှတောင်မှာဒင့် နင်ကကိန်းတောင်ဘင်ရက်အင်ယေ့ အပါနာကအပါနာ မေတ္တာပီးကို့ချစ်ခင်ဟေကဒေလေ ချစ်ခင်ပိုကားငါ့ကို ရေးပီးနက်ဟေ"ငါ့ကို ပြန်ကိုလျှောက်တင်လင်ကဟေ။

တပည့်တော်ရက်အင် အဖြောက်မိ ကိုယ်တော်နာ အမာရက်အင် အတတ်ကဒေလေငါ့လင်ကဟေ။ "ငင် လက်ခံယုံကြည်ကဇိစ် အဆင်သင့်ဖြစ်တုန်းဟေကား လူးရက်ငါ့တုန်းကယေ့ အိမ်မှလူးရက်ထနဲ့ မင်္ဂလာသတင်းကောင်းငင် ငါ့ဆနပ်ကလူးက(လ်) ဆန်းတုန်းနိမ့်မက်။ အိမ်မှလူးရက်နာ အင်ဟန်ကဇိစ် အဆင်သင့်ဖြစ်တုန်းဟေကား တဗျင်းပြောင်ဟေကား လယ်ပြင်အိမ်တူဟေ။ ညီးငါ့ဒင်ယေ့ အိမ်မှအင်ရက်အင်ဟန်ကဇိစ် လုံလောက်ဟေကား အလုပ်သမားရက်အငါပါ(လ်)။ မှအကြောင့် အင်ဟန်ကလူးရက်ကအရှင် ဘုရားရှင်ထနဲ့ အင်ဟန်ကဇိစ်အလိစ်သမားရက် ဖြောက်အီယန်မနီး ဆုစိန်ယင့်ဂီး။

ကျီးကအိမ် ကိုယ်တော်နာ ကျမ်းတတ်ဆရာယင် "အိမ်မားလူးဆုံးဟူးထဲယာက ဓားပြတိုက်ကဟင်းပိုကလူးကား စစ်မှန်ဟေကားမိတ်ဆွေကောင်းစာ အယူဝါး"ငါ့ကို ကတာလင်ကဟေ။ အိမ်မှအခါ အိမ်မာကျမ်းတတ်ဆရာနာ "အမာကအပေါ်သနားကြင်နာကို ကူညီအီကလူးဖြစ်ဟေ" ငါ့ကို ပြန်ကိုဖြေလင်ကရပ် ကိုယ်တော်နာ "နင်ယေ့အိမ်မာဒေလေ လိစ်အင်း"ငါ့ကို ငါ့လင်ကဟေ။

အတတ် နနိန်ရက်နာ လူးရက်ထနဲ့ သတိအိမ်လင်ဂီး။ အဇာရိကို့အငါနဲ့က(လ်) ကယ်တင်ကလူးအငါက သိုးဒေလေဖြစ်တုန်းဟေကား နနိန်ရက်အင် ဝံပုလွေရက်ဒေလေက ရက်စက်ကြမ်းကြုံကလူးရက်ထနဲ့ ဖြောက်နက်အန်ကတောင်းဖြစ်စေ။