Popular Bible Verses from လုကာ 14

Share

"နောင်နိယဟော့ ကေ့တပည့်တော်ဝဲ့အဖြစ်နှုးကနို နောင်းနူးပိုး၊ အပေးယှာ၊ အစိုး၊ စီးနောင်သာနောင် ထောက်ကာပတွန်န နောင်နိကိုယ်တိုင်ထောက်ကာ ကေ့ယာပိုလော့ အနိုးသင့်။ တစ်လောက်ကာဆိတ်ငှားတစ်အုံနိုးပုဝါ နောင်နိငဟော့ ကေ့တပည့်တော်အဖြစ်ခုဝဲဆိတ်လ။

နောင်နိလက်ဝါးကပ်တိုင် ငဟော့ ကို့သလော့သဲ့ကေ့ဟွေးတူ တွန်းအွမ်ခုငှားသေရာ ကေ့တပည့်တော် ဖြစ်ထိုက်ကသိ။

အကြောင်းမူကား မိမိကိုယ်တိုင်ချီးမြှောက်ဟော့ချောင်ငဟော့ အနှိမ့်ချငဟော့ခေါင်းလလော့တဲ့ မိမိကိုယ်ကို အနှိမ့်ဟော့ချောင်ငဟော့ ချီးမြှောက်ငဟော့ခေါင်းအယ်" သိမ်အမိန့်တော်မူတို့။

အလှောက်ကာနိုး နောင်နိပိုင်ဆိုင်တကားအားလုံးငဟော့ စွန့်လှို့ခုငှားဟော့ချောင်ငဲ့ယဟော့ ကေ့တပည့်တော်ဖြစ်ထိုက်က" အမိန့်တော်မူတို့။

နောင်နိဒိတ်ကာဟော့ ပေါတ်နောတ်ဟိလော့ မျှော်စဉ်အဆောက်အရှောက်ကနို ဟောနီမျှော်စဉ်ပေါင်အုံထိ အလုံလောက်ငဟော့ ဟင်းစအမော့မော့ရမှတ်လအုံ ပထမဦးဆုံးပရို့ပေါ့ရယ်သိမ် အတွက်ဝဲဆိတ်ကမိုး။ တစ်လောက်ကာ တောက်ငှားဝါတောက်ငှားကနို နောင်းလော့အုတ်မြစ်ချောက်ပေါင်စလော့ မျှော်စင်ငဟော့ ပေါင်အုံရှောက်ခုဝဲ့ ဆိတ်က။ အနီအဖြစ် အပျက်သဲ့ ယနိမှုကနိုချောင်ငဲ့လော့ကဲ့ရဲ့လောလှောင်ပြောင်အလော့တဲ့ 'နီချောင်ငဟော့ မျှော်စင်ငဟော့ စလော့တဲ့ရှောက်ခုလော့ဟော ပုန်အုံရှောက်တဲ့ ရှောက်ခုတို့ဝါ' သိမ်ယနိဟောက်ဝဲ့။

နောင်းငဟော့ အအေးအုပ်ဗုန်း အစို့ခွါ ဆင်းရဲသားဝဲ့၊ မသန်စွမ်းနဲ့၊ လေဖြတ်ဟော့ချောင်၊ အမိတ်ဘေ့ဟော့ ချောင်ငဲ့ ဖိတ်အိပ်ဘွေ့။ ထိုချောင်ငဟော့ နောင်းဝါ ဘုရားရှင်လော့ မျက်နှာသာ အပိတ်ကဲ။ ဘယ်သိမ်ကြောင်းငိုဝေါနိုးပုဝါ နောင်းအပိတ်ငဟော့ချောင်ငဲ့လော့ ပြန်လောက်တဲ့ နောင်ငဟော့ အစို့ပေါ်ခုဝါကြောင်းငို အဖြစ်။ ဆိတ်လော့ဟော့ ဘုရားရှင်လော့ ဖြောင့်မြတ်ဟော့ချောင်ငဲ့ငဟော့ အရှောက်ပြန်လော့ ဟိုင်ပေါ်ရှောက်ကနို နောင်းဝါ ကောင်းကျိုးချမ်းသာ ပြန်လော့အပိတ်ပေါ်ဝဲ" သိမ် အမိန့်တော်တို့။

ခုတ်ဝေါတ် ကိုယ်တော်ယေရှုလော့ "စီယဟော့အဘွယ်။ ဆိတ်လော့ဟော့ အစုပ်ဓာတ်သဟော့ အကျုပ်ကနိုအနီစီယဟော့ ပြန်လော့စုပ်ဘော် အုံခါ မနိစိုင်းလာ့ဝိုင်ရိုး။ အနီစီယဟော့ ဒိက်အတောတ်ဟော့ပွယ်ယ မြေဩဇာအတွက်ဟော အသုံးဝေါင်သိရကြောင်းငို အကြောင်ဝါ အဖိုင်ငဟော့ အခေါင်းလအယ်။ အနှိုပိုဟော့ချောင်တကားလော့ အရုံစိုက်သလော့သဲ့ဟင်ဘွေ့တို့" အမိန့်တော်မူတို့။