Popular Bible Verses from Imigani 11

Share

Umutima ugira ubuntu uzatengamara, uwicira inyota abandi, na we azayikizwa.

Hariho abatanga batitangiriye itama, bakongererwa, hari n’abagundira ibintu bagakabya, bagatindahara.

Ubwirasi buhamagara ikimwaro, ariko abiyoroshya bahorana ubuhanga.

Imbaga itagira umutware, irorama, naho umukiro uturuka ku bajyanama benshi.

Imbuto y’intungane ni nk’igiti cy’ubuzima, naho abagiranabi bagakinduka.

Nyir’ugusebanya amena amabanga, utari inzimuzi ahishira byinshi.

Umuntu w’umunyampuhwe yigirira neza ubwe, naho umunyamwaga ababaza umubiri we.

Uwiringira ubukire bwe, azarimbuka, naho intungane zizasagamba nk’amababi atoshye.

Umunsi w’urubanza nuza, ubukire nta cyo buzaba bukimaze, ariko ubutungane bwo bukiza ingoyi y’urupfu.

Umurava w’abantu b’intabera ni wo ubayobora, ariko ubugome bw’abagambanyi ni bwo bubarimbura.

Umugore w’uburanga ariko utagira ubwenge, ni nk’impeta ya zahabu ikwikiye ku kizuru cy’ingurube.

Uhoraho azirana n’iminzani ibeshya, ariko akunda ibipimo by’ukuri.