Popular Bible Verses from Ibarura 14

Share

Mureke rero kwivumburira Uhoraho, mwoye no gutinya abantu bo muri kiriya gihugu; mu kubatsinda tuzabayongobeza mu kanya gato! Imana zabo ntizikibarinda, ngo zibatwikirize igicucu cyazo, ariko twebwe Uhoraho ari kumwe natwe. Mwibatinya rero!»

’Ndi Uhoraho, sindakara vuba, nuje ubudahemuka kandi nihanganira uncumuyeho n’unyiteyeho hejuru, ariko sindenzaho ngo nibagirwe, igicumuro cy’ababyeyi ngikurikirana ku bana babo, nkageza ku buzukuruza cyangwa ku buvivi.’

Uhoraho nadutonesha, azatujyana muri icyo gihugu gitemba amata n’ubuki, maze akiduhe.

Ariko umugaragu wanjye Kalebu, kuko afite undi mutima, akaba yarankurikiye atajijinganya, nzamujyana muri icyo gihugu yavuye gutata, maze abuzukuru be bazagitunge

Ubabwire rero, uti ’Ndabirahiye, mu izina ryanjye Uhoraho, Nyir’ubuzima: nzabagenzereza ibihuje n’akabavamo niyumviye. Uwo ari Uhoraho ubivuga!

Uhoraho abwira Musa, ati «Uriya muryango uzansuzugura kugeza na ryari? Bazamburira icyizere kugeza ryari n’ibimenyetso byose nagiriye rwagati muri bo?

Abayisraheli bose bagarambira Musa na Aroni; maze imbaga ibabwirira icyarimwe iti «Iyaba twaraguye mu gihugu cya Misiri! Cyangwa se tugapfira muri ubu butayu!

Yozuwe mwene Nuni na Kalebu mwene Yefune bari mu mubare w’abagiye gutata icyo gihugu bashishimura imyambaro yabo. Maze ni ko kubwira ikoraniro ry’Abayisraheli, bati «Icyo gihugu twazengurutse kugira ngo tugitate, ni igihugu cyiza cyane!

Ariko rero, ndabirahiye uko izina ryanjye ari Uhoraho, Nyir’ubuzima, n’uko ikuzo ryanjye risakaye ku isi yose: Bariya bantu babonye ikuzo ryanjye n’ibimenyetso nakoreye mu Misiri no mu butayu, hanyuma bakaba bamaze kungerageza incuro cumi zose banga kunyumvira, nta n’umwe muri bo, ndabirahiye, uzabona igihugu nasezeranije ababyeyi babo; nta n’umwe muri bariya bansuzuguye uzakibona!