Popular Bible Verses from Yeremiya 8

Share

Ese nta muti ukirangwa muri Gilihadi? Nta muvuzi se uhaba? Ni kuki ibikomere by’umuryango wanjye bidakira?

Uzababwire uti «Uhoraho avuze atya: Ese iyo umuntu aguye ntabyuka? Ese umuntu arayoba ntahindukire?

N’ikiyongoyongo cyo mu kirere kimenya ubwacyo igihe kizasuhukira; inuma, intashya n’umusambi bikamenya igihe bizahindukirira. Ariko umuryango wanjye ntiwita ku mategeko y’Uhoraho!

Naritonze ntega amatwi, nsanga amagambo yabo adafashije. Nta n’umwe ubabajwe n’ubugome bwe ngo agire ati «Ese ubu nakoze ibiki?» Buri wese ariruka akurikiye ubwomanzi bwe, mbese nk’ifarasi igiye ku rugamba.

Abahanga bazakorwa n’ikimwaro, bumirwe, kandi bafatirwe mu mutego; basuzugura ijambo ry’Uhoraho: ubwo se bavuga bate ko ari abahanga?