Popular Bible Verses from Icya mbere cy'Amateka 16

Share

Nimushakashake Uhoraho Nyir’ububasha, mushake uruhanga rwe ubudahwema!

Nimuhimbaze Uhoraho kuko ari umugwaneza, n’ubudahemuka bwe bugahoraho iteka ryose!

Nimusingize Uhoraho, mwamamaze izina rye, mumenyeshe amahanga ibigwi bye!

Mwishimire izina rye ritagatifu, kandi umutima w’abashakashaka Uhoraho unezerwe!

Mwiyibutse ibintu by’agatangaza yakoze, ibitangaza bye n’amateka amuva mu kanwa

Nimumuririmbire, mumukinire; mwongere muvuge ibitangaza bye byose!

Kuko Uhoraho akomeye kandi akwiye gusingizwa, akaba ateye ubwoba kandi akaruta imana zose.

izina rye murihe icyubahiro. Muzane amaturo yanyu, muze imbere ye; mwunamire Uhoraho, mu Ngoro ye ntagatifu!

Icyubahiro n’igitinyiro biri mu ruhanga rwe; imbaraga n’ubutungane bikaba iwe.

Isi yose, nimuririmbire Uhoraho! Mwamamaze ugukiza kwe uko bukeye

mumenyeshe abanyamahanga icyubahiro cye, mwogeze ibitangaza bye mu mahanga yose!

«Ntimugakore ku ntore zanjye, abahanuzi banjye ntimukabagirire nabi!»

Imana zose z’abanyamahanga ni ubusa, Uhoraho ni we waremye ijuru!

Nimwiyibutse iteka isezerano rye, itegeko yatanze mu bisekuruza igihumbi

Ijuru nirinezerwe, isi yishime, mu mahanga nibavuge bati «Uhoraho ni Umwami!»

Nihasingizwe Uhoraho, Imana ya Israheli, iteka ryose ubuziraherezo! Nuko abantu bose baravuga bati «Amen! Alleluya!»

Miryango y’amahanga, nimuhe Uhoraho, nimumuhe icyubahiro n’imbaraga