Popular Bible Verses from လုကာ 6

Share

လှူဖီကာပလားလုဲင်။ နားက့လဲ့ အီပြန်လ့ချာဒါ့ဟနေ။ နားက့ ပြန်လ့ချာဒါ့ခါ့လဲ့ အီခံဘာ စူသိပ်ထွို့ စီကွူထွို့မဲ့ စူဖီနားက့ခရောင်ကုတွိုတွို့ဝေ့ပလုဲင်း။ ကွက်တဟနာမေဒေါင့်ဘာအွယ့် ဗွမ့်နောင် နားက့ကဖီဒါပလားအတွုန် ဗွယ်ဖရာဒွို အီပြန်ဖီချာဒါ့တို နားက့” မိန့်နိန်းအွယ့်။

ပလူးခိုဒွို နေ့ထန်ဒါဘို့ တခိုဖုန်း ကအိုဒါ အာသ့သာကုဟို့။ ပလူးလီခိုဟဒွို နေ့ထန်ဒါဘို့ တလီခိုဟဖုန်း ကအိုဒါ အာကာသ့သာကုဟို့။ နားက့နာပလောင်ကု ကထန်ဒါ ငိုဖုန်းဒွို အိုနေ့ထန်တို နားက့သ့ အခြေအနေ။

တွိုနားက့ဒွို အန်ဒင်မေတ္တာ ရန်ဆူဖုန်းထွို့ မိုးဖီကာ တခို အာကာတာလုဲင်။ ဖီငှာလိုကာဘီဆံ နောင် လီအိုမောင့်ဟ ပြန်လ့ချာဒါ့လုဲင်။ နားက့ မေမိုးနိန်းအွယ့်အွယ့် အီလ့အကျိုဒူထွို့ အီပျန့်လိုကာ အစွိုင်းမြတ်စွက် ဗွယ်ဖရာဖုဖုန်း။ ကွက်တဟနာမေဒေါင့်ဘာအွယ့် ဗွယ်ဖရာဒွို ပလူးလီသိဟ ကေဇူစာဖုန်းနောင် ပလူးယုတ်ဖုန်းလောင်လဲ့ အိုအန်ဒင်တိုမေတ္တာ အွယ့်ကြားမဲ့ဟနေ။

ဗွမ့်နောင် နားက့ဖာ့ ဗွယ်ဖရာဒွို အန်ဒင်မေတ္တာ ဂရုဏာ ပလူးကျွမ်ပလားပလားလောင် နားက့ဒွိုလဲ့ အန်ဒင်လိုကာ မေတ္တာဂရုဏာလုဲင်” မိန့်နိန်းအွယ့်။

ထွို့ဒါ့ ကိုယ်တော်အွယ့် “ကျေရင်ဆုံဖြတ်လိုကာမာ ပလားမာ၊ အွယ့်ကြားမဲ့ နားက့လဲ့ အီခံဘာဟ တကျေရင်ဆုံဖြတ်​။ ကျန်အန်ဒင်အပျက်မာပလားမာ၊ အွယ့်ကြားမဲ့ နားက့လဲ့ အီခံဘာဟ အန်ဒင်အပျက်။ ခွင်လွှတ်ဖီပလားလုဲင်၊ မေမိုးနိန်းအွယ့်အွယ့် နားက့ဒွို အီခံဘာ တခွင်လွှတ်ဟနေ။

ကိုယ်တော်အွယ့် “ဒေါင့်မာလဲ့ ငါးအီဒေါင့်နားက့ ကအိုနာလိုကာဒါတာစာဖုန်း။ အန်ဒင်ကာမေတ္တာ ရန်ဆူလောင်လုဲင်။ မိုးဖီကာ ပလူးအိုလွှသျှီက့စာဖုန်း တခိုလုဲင်။ ပလူးအိုပျားဒါ နားစာဖုန်းဒွိုလဲ့ ဖီကပျန့်တခိုတာ ဆုတောင်ဖီလိုကာ ဗွယ်ဖရာဆောင့်လုဲင်။ ပလူး ကနှိပ်စက်ဒါနားစာ ကားကအိုဖုန်းတာဒွိုလဲ့ ဆုတောင်ဖီပါလုဲင်။

ဗွမ့်နောင်နန်တိုး ဘာတခံ ပလားဆက်ဆံအတွုန် ဆက်ဆံဖီလိုကာ ပလားလောင်နိန်းအွယ့်လုဲင်။

ပလူးအပလားပလားဒွို မေပလင် နားမေငါ့အဒိုင့်အွယ့် ဖီပလင်ပါဒါ့ မေငါ့ဒါ့အဒိုင့်လုဲင်။ ပလူးအပလားပလားဒွို မေကျွူ့ နားကန်ကျိန်းခူနောင့်လဲ့ ဖီပါဒါ့ နားကန်ကျိန်းကုန်ကုလုဲင်။ ပလူးကကျွူ့ဒါ တာတကျွိုကျွိုနားဆောင့်စာ ကားကအိုဖုန်းဒွိုလဲ့ ဖီလှူလိုကာလုဲင်။ ပလူးအပလားပလားဒွို မေချွော်စေးကန်း နားတကလွိုင်ဖုန်းအွယ့် ကျန်ကျွူ့ချာမာ ပလူးအွယ့်ပလားဆောင့်မာ။

ဗွမ့်နောင် တမွိုင်ဖုဒွို လီသာဒါဟ တသာလီဖုဟထွို့ တမွိုင်လီဖုဟဒွိုလဲ့ လီသာဒါဟာ တသာဖုဟာ။

ဟွိုင့်တသာထွို့ ဒေါင့်ဒါလိတမွိုင်ခရာ။ ဗွမ့်နောင် လီဒေ့ဒါဟ တယွူ့သာ တဟွော်မွိုင်ကုထွို့ အိုတွိုင်ကျုံးကုထွို့ အီဒေ့ဒါ စပျစ်သာ လီမေဟာ။