Popular Bible Verses from Lukka 6

Share

Wedi kum nee annas taanin sokolin ab ummon aju, mee itakkum kaman Rabbana bi jaa wedi nee itakkum sokol ab itakkum aju ligo amla, kutu ummon bakaan wayyi, ligo ggi hizzu bakaan wayyi fih kutu taani labbi bi kub. Kalam kiyaas weede ab itakkum ggi pima kee sakar amaa kebir yaa kaman bijja pima nee itakkum.”

Jee nammna wayyi, ajol ab kuweesi ggi wonus sokolin ab seme, kalam gelbba tomon kaman seme. Mee ajol ab batal oggi soh sokol ab batal mee gelbba too kaman batal. Sokol ab ajol wonus ggi taala min gelbba takkum”

Lakin, itakkum endis tee aju aduuya takkum mee soh noomon seme. Deni kum ummon ssente ligo itakkum maa ggi feker lippa. Mee Rabbana bi jaa wedi nee itakkum zawadi tee guddrra. Dukur bi naadi itaa nyereku tee Rabbana ab fih foo zaidi. Kalam Rabbana ggi weeri huruma nee annas ab ggi shukur maa mee ab ggi soh batal.

Kun kum mee huruma jee Babba takkum Rabbana endis huruma nee annas kuul.”

Yesu zidu alim, “Matakkum kutu fogo ajol makosa ab uwo maa soh, mee Rabbana bi jaa sama min itakkum makosa. Kaman matta kum gata nee ajol kesi mee Rabbana kaman maa bi gata nee itakkum kesi.

Yesu zidu alim dukur uwo kelem, “wedede yaa anaa ggi kelem nee itakkum ab ggi asmma anaa, aju kum aduuya takkum, soh kum kuweesi nee annas kuul ab aju itakkum maa. Asaadu kum baraka nee Rabbana nee killa wayyi ab ggi laanu itakkum dukur womba kum nee ummon ab ggi sitim itakkum.

Jee nammna ab itaa aju annas kede soh nee itaa, yaa kaman kede itaa soh noomon jeedde.

Kaan ajol bi dugu gwangiri takki wayyi, geeru nee uwo safa taani. Kaan ajol abija amrugu min itaa koti takki, wedi noowo mee kanzu. Killa ajol ab ggi asaadu nee itaa sokol yoyote, kede itaa wedi noowo; mee kaan ajol amrugu min itaa sokol takki matta asaadu mara taani.

Yesu zidu alim, “mafih shedel ab kuweesi ab ggi weledu matunda ab batal. Fih nammna wayyi, shedel albatal maa bi weledu matunda ab kuweesi.

Kalam killa shedel ggi faham uwo fih matunda too. Kalam annas maa ggi nigitu tiini mee zabib min shedel tee soo.