Popular Bible Verses from Luke 6

Share

Edieke mmufo inode mme owo se mmo oyumde, eyono mmufo ŋko se mmufo. Eyedume ɔyɔhɔ ke udume mkpo, efik, enyehe enyuŋ esin tutu enye ɔyɔhɔ ɔduɔhɔ ɔdɔŋɔ ke akpasa mfo! Mmufo idiɔŋɔ ete, udume eke mmufo idade idume ino mbun eŋwen, kpak ukem oro ke ida idume ino mmufo. Kpasuk ntra ŋko, nte mmufo inamde ye mbun eŋwen kpak ukem oro ke Abasi inam ye mmufo.”

Kpasuk ntra, Eti owo anam se ifɔnde, koro mme ekikere esid nsie onyuŋ edide eti. Idiɔk owo anam se mifɔnke, koro mme ekikere esid nsie ɔdiɔkde. Koro iko emi ɔwɔrɔde owo ke inua, ayarade se enye ekerede ke esid nsie.

Utuke oro, mmufo inyene ndima mme asua mmufo, nnyuŋ mfɔn ido ye mmo. Ibuɔd mme owo akuk ikinyuŋ iyum ndifiak mmbo! Edieke mmufo inamde emi, Abasi oyono mmufo utip emi okpunde ndin eyonyuŋ ekud mmufo ndito Abasi Andikoŋ-ŋkan, koro Abasi ke idem Nsie enyenede mbɔm ye mme idiɔk owo, ye mbun emi ananade esid ekɔm.

Mmufo inyene nditua mme owo mbɔm kpak nte Ete mmufo ke heaven onyuŋ atuade kpukpri owo mbɔm.

Jesus aka isi ke ukpep mkpo Nsie onyuŋ ɔdɔhɔ ete, “Edieke mmufo misioŋoke mbun eŋwen ndo, idisioŋoke mmmufo ndo ŋko. Edieke mmufo mibiomke mbun eŋwen ikpe ke ndudue mmo, idibiomke mmufo ikpe ke ndudue mmufo ŋko. Edieke mmufo ifende ino mbun eŋwen ke ndudue mmo eduede mmufo, Abasi iyefen mme idiɔk-mkpo mfo ŋko.

Jesus aka isi ekpep mkpo, onyuŋ ɔdɔhɔ ete, “Emi edi se ntiŋde ye kpukpri mmufo emi ikpaŋde utɔŋ inɔ Nŋi: Ima mme asua mmufo, inyuŋ inam eti mkpo ino kpukpri mbun emi asuade mmufo.” Ibeŋe Abasi ete ɔdiɔŋ owo ekedide emi osuŋide mmufo, inyuŋ Ibɔŋ akam ibaŋa mbun emi anamde mmufo idiɔk.

Kpukpri mkpo emi mmufo iyumde mbun eŋwen anam ono mmufo, inam kpasuk ntra ino mmo.

Edieke owo amiade fi ke mfuk kied, yak enye onyuŋ amia fi ke mfuk enye eken ŋko. Edieke owo ebeŋede fi ɔfɔŋukud, no enye ɔfɔŋidem mfo ŋko. Edieke mme owo ebeŋede fi mkpo, no mmo. Edieke owo abode fi mkpo mfo, yak enye da, kuyum ndifiak mbo enye.

Jesus aka isi ekpep mkpo, onyuŋ ɔdɔhɔ ete, “Ukpɔk eti etu ndumekied ikemeke ndiŋwum idiɔk mfri. Kpasuk ntra, idiɔk etu inyuŋ ikemeke ndiŋwum eti mfri.”

Koro eda mfri etu ediɔŋɔ se etu kied-kied edide. Emi ɔwɔrɔ ntem, ete, owo ikemeke ndikibi eti mfri nte grape ye eben emi owo adiade ke idiɔk etu nte etu ŋkukim emi owo mikemeke ndidia.