Popular Bible Verses from Preritʹ 4

Share

Jisugie miṭiʹ âdmi, Eketedo âdmiko baco darekoe. Karon serma latarre ar âdmiko talare maʹ emon ekegi bânuʹkoa jeyaʹ nutumtedo abo pap khoiʹ baco namdarenabo."

Aka jagare angko jaoralenako, koijong tayomte ana jagado hiluna. Ar angkodo sanamkhoiʹ Pobitro Attate pereʹketeʹ sâhusnaʹ saote Issoraʹ katha menlaʹ lagonako.

Ar nitoʹ, he Probhu, nekotedo alkaketeʹ ale botor uduʹlekanako ana amdo kheyalme. Amtedo amren das orthat, ale emon sukti malem jate aima sâhus saote aledo amaʹ katha men dareʹale.

Pobitro sastronaʹ katha laka Jisudo hone, 'Ana diri akaṭaʹdo rajmistriko, orthat ape bad makadape ar anagi konanaʹ marang diri ho rakapna.'

Pitor ar Johonaʹ sâhus lelketeʹ ar ângkin je murkhogiâkin ar samanno âdmikanakin ana baṛeketeʹ angkodo asarjongenako, ar ângkin je Jisu saote tahalenakin anaho bujhu dareledako.

Khrisṭore pâtyuonkhoiʹ ontor ar mon miʹgi tahalentakoa. Itâʹgi angkodo nijeyaʹ mente bang dâbisanako borong sanamgi jeyaʹ jeyaʹ dorkar laka beboharsanako.