Popular Bible Verses from Mareke 6

Share

Yiisu ályele bo ndiri: «Liyatswe mu libee, ku ebini ki egwene a baara, ya limagwumu.» Mu kuulu baara balagha báakagya ya báakabvughuru, ya bo ka bákabagha si matala mama odza o.

Lo Yiisu ákalyele bo ndiri: «Yini a mu nsie a ndeme, ŋa kara li baara ba dzumu li ndeme ya baba nzo a ndeme, baakabihi ogwa mubighili budziri.»

Yiisu bu apala mu bwara, ámono mpwumu a baara yi nene ya nde ámono bo nyiĩ, mu kuulu bo báli ti anga bindoomo bi bigwene a munkaala-bibuolo. Mu obo nde ábwi oluo bo mandagha malagha.

Oko nde ka ákughu osa emaã si etsyini o, nde yini a ndaama a babyele ádzuhu, babo ba ánaã nde myaã ŋa yulu mitswi mi bo. Yiisu ákiŋimi mu kuulu bo ka báli a kana o. Ŋa mbihi oŋo, Yiisu ákabulugye mu mala ma máli be-bele ya Nadzarete ya ákabululuo.

Nde bu agwolo mampa mataana mamo ya banswi buolo babo, átala ku yulu ya ábvurulu matuono. Ŋa mbihi oŋo, ákehe mampa ya ágwi mo kundaa binduono bi nde mpaala bo bakaba mo. Yiisu ákaba si banswi buolo kundaa baara bwohono. Baara bwohono báli ya bágyughuru ya binduono bítolo bitsulu bi mampa ya bibi banswi bi bísyili. Bo báluhu bitubu kwumu ya byele (12).