Popular Bible Verses from Rumi 1

Share

Kothomani bagwi ang lachijaya, tamni hinba kothoma ongkhadwi o phran, jebwni bisingtwi Kaitor Bini paitoairoknw tekhokgw, pwilao Jihudiroknw jerw bejihudiroknw.

Pwilani jimin paithak jora Kaitor tama khalaywi borognw raidattiya hinwi goseoi la, obw i kothomani bisingtwi phunukjak. Kathar elembagw suijak tongw, "Raidia borog paitokmabaise thangnw."

Kaitorni mwngoi imwtwijar kothoy tongo jebw borogrok mokolbai nungya, kok ongkha Bini paiphlaiya phranba tei o Kaitorni akkwl. Ujinai pwilani jimin o jotho kothoy Kaitorni taknai manwini bisingtwi saplangjajak tei prai prai khalayoi bijijajadok. Aithani borogrokni alangka dosa rwni mwngsa kwrwi je bok Kaitornw siya.

Borogrok Kaitornw siyo, matwr bok Kaitornw lobjiya arw Bwnw hambaibo rwjiya. Borogni uansokmarok phosla ongwi thangkha arw bokni bujukrwi kha andarbai pwlwngwi thangkha.

Bok Kaitorni daijjonw paitokya karwi misanw paitokkha. Taknaisanw yakarwi bok Bini taknai manwinw pujidok tei mwngdok, matwr jotho lobma molbrum brum o taknaisanise. Amen.

Tamni hinba Kaitorni thamchi chukha daini o borogrokni jotho khabomnai biyal tei beraidattiyani sakao phunukjadok, jebwrok beniraibai Kaitorni kwbwinw phwngwi tonw.

Aithani Kaitor boknw twidulnai yakarwi rwkha tei boknw lachimasincha banchani lamagw himni rwkha. Birokrokbw chalarokbai baksa tongya karwi bonibai bok tonglailayw. Thi obwtwijar khlayoi chalarokbw birokrokbai baksa tongya karwi, chalarokbai baksa kangma banchao bokni bai bok lachima sincha samung khalaijak, Tei oboni bagwi bok jothobw o sumsok samungni senji bokni sakrokni bisingw manjak. Tamni hinba borogrok Kaitorni kothoyw kwbwi mwkchaknw khao tonni nainiya aithani, Kaitor sumsokbai kwplwng khani yagw boknw yakarwi rwjak, tei obwni bagwi borog chaya samung khlayoi tongw.

Bok saknw buju gnang hinwi sinima rwphwng bok butua. Paiphlaiya, chwngsacha kwplwng Kaitorni lobmanw yakarwi rwgwi bok borog, toksa tokmili, sadoan tei bakhabai malnai singmalni kosol solnai mwtainw lobw.