Popular Bible Verses from Johon 1

Share

Matwr jeswk borog Bwnw paitogwi goseywi lakha, boknw jothonw Bw Kaitorni basa ongni bagri rwkha.

Yaphangw Koktang tongw, Koktang Kaitorbai baksa tongw tei o Koktangse Kaitor.

O pohor andarw chwngwi kasakha, matwr o andar pohornw mechen manjiya.

Tei o Koktang borog ongwi achaikha arw chwngbai baksa tongha. Apha Kaitorni kaisachui Sajla hinwi Bini je chwngsacha omonw chwng nungkha. Bw khakhamma tei kwbwi bai kwplwng.

Jothobw o koktangni bisingtwi takjagw, tei jebwrok takjakha o manwirokni bisingni mwngsabw Bini bade takjajiya. Bini bisingw singli tongw, tei o singli hayungni borogrokni dayw pohor twbwgwi phaikha.

Jerwni salw Johon Jisunw bini aita phaimani nungwi sakha, "Naikhodi Kaitorni merabasa, Jebw borogni jotho sumsok kachalw ho.

Bw swngsarw tongw, tei swngsar Bini bisingtwise takjakha, matwr swngsar Bwnw sinilia. Bw sakni hao phaiha, matwr Bini sakni borogrokse Bwnw gose laniya.

Obwse kwbwi pohor, jebw jotho borogroknw pohor rwgw, Bw swngsarw phaidok.

Kaitorni kerong nal Mosini bisingtwi rwjajak, matwr Jisu Khristoni bisingtwi khakhamma tei kwbwi phaikha.