Popular Bible Verses from Prerit 1

Share

Matwr jephini Kathar Phala nokhni sakagw phainw, aiphuo nokh pharan mannw tei Jirusalemni borogrokni dayw, srai Jihudiya tei Somoriyagw, omw tama hayungni jotho jegao nokhse Ani sathai ongnai."

Bw boknw sakha, "Apha sakse jo tei saldakrok naichab khalayw, i kothoyroknw nokh simangalak.

Oaisa jephini Bw Bini sagrirokbai chadok, aiphuo Bw thwlkha, "Nokh Jirusalem yakarwi tathangdi, matwr Ani Aphani samai tangjak o ruaini bagwi nasingwi tongdi jebwni kothoyw aguobw Ang nokhnw sajak." Twmwi himba Johon twio baptismo rwgw, matwr kisa salni bisingo nokh Phala katharbai baptismo rwjanw."

Thwinai jerw, Jisu saknw kathang hinwi Bini pirisairokni dayw phunukkha, tei kabangma samungni bisingtwi Bw kathang hinwi obwnw majri rwkha. Thwijakrokni bisingni Jisu thangwi sal brwichini bisingw pirisairok Jisunw kabang nungjak. O jorago Jisu boknw Kaitorni hani kothoyw jatejar kok sajak.

I koknw sagwi paywi pirisairokni mokol sakangw Bwnw nokhao tisagwi tilangkha. Tei chumui kwrwngsa Bwnw bokni mokolni kwtwn khalaikha.

Jisu thangphini sagrirok thi khalaywi nokha aita naiywi tongjak. Atakkiya khalaywi ri kuphul chumjak borog kainwi sagri rokni koreyw bachagwi sakha, "Galil jilani sagrirok, nokh idayw bachagwi tani nokha aita naisagwi tongdok? Je Jisunw nokhni daini chukhao tisagwi tilangkha, Bwnw nokh jekhalaywi chukhao thangmani nungkha, thi omotwijar khalaywi Bw arwbw philwi phainai."