Popular Bible Verses from Luke 6

Share

Enɔ enwi kpɔ kuma enɔ evu kini evu eluŋɔ: edɨghe udɨme omu evi edɔŋ, enyiŋe, etuak edɔŋ gi, omu ɔnɔŋ ɔyɔghɔ-ɔlughɔ ku edidɔŋ inɔ evu. Ku onu ma ukem udɨme omu evu ede edɨme enɔ enwi ku Abazi edide idɨme inɔ evu.”

Ku utɔ odighi onu, edɨghe onwi ɔzuŋɔ mfɔ ku edɨghe unji ogid izighi odi; udiɔk onwi ɔnɔŋ ɔzuŋɔ ndiɔk ku udiɔk unji ogid izighi odi. Ene, su onwi ozughu onu su eniŋe onyi odio onyi ku ogid.”

Utukonu, evu eme ima ezughe evu elagha ene ufɔ enɔ emu. Ebuɔd emu ɔkuk ugunu ma uduonji idisɔ ibɔghɔ ŋkie sugi ku usɔ. Abazi ma ɔnɔ evu okpɨno utip ku heaven, evu ma enɔŋ enu eyo onu Ŋkoŋ Ŋkeh Abazi. Ku onu Abazi ɔfɔ-udɔk ma ima omu numenji ogid ekɔ ma ima ndiɔk enwi.

Efei enwi isɨghe, kpa sughu Eti evu ŋgo efei evu isɨghe.”

Jisɔs aganji ekpiek ogu, “Ekubiad enwi-o, utuk ku enwi ebiad evu ŋgo. Egu ubire-ikpeh unɔ enwi-ou, utuk ku enwi etip evu ikpeh. Elagha enɔ enwi ku nlulei emu, man enwi edelagha enɔ evu.

Jisɔs aga-nyi ku ukpiekpɔ ogu, “su ndɔghɔ ovid enwi omu ekpaŋ-utɔŋ enɔ mi onom; evu egab eme ima ezughe evu, enɔŋ ene ufɔ enɔ ovid enwi omu ezughe evu. Ediɔŋ ima omu ezai evu. Ebɔŋ agam enɔ ima omu enekpɔ ma evu ku udiɔk odighi.

Sughu evu eluŋɔ enwi ene ma evu, evu ene kpa ku utɔ odighi onu ŋgo ma emu.

Onogu onwi sugi asiak evu ufie ku mbaŋ ŋgaŋ gi, eliek ŋgaŋ ogu enɔ onyi ŋgo. Onugu onwi ɔbɔghɔ ikpɔwɔ useh evu, yak onyi ebei utɔŋ useh-ile ovu ŋgo. Onogu onwi ekpeh evu kpɔ, enɔ emu. Ɔnɔŋ onogu onwi ebei kpɔ omu onji evu, egusɔ udɔghɔ ebei ɔsɔk evu-ou.

Jisɔs aganji ekpiek ogu, “Edɨghe etu ekime iwɨn udiɔk ŋkɨm-ou. Sonu ŋgo, udiɔk etu ekime iwɨn edɨghe ŋkɨm-ou.

Enwi evag etu osi ku ŋkɨm izighi. Su uwuɔkpɔ, enwi ekɨme idigu ŋkɨm ozogro ma atidai ku ɔnyɔŋ esagha, nu-onu idiguu ŋgim ebei ku ɔnyɔŋ akɨna.