আবাকী আসান যীশুস ঢের আলারিন বেরাম আউর ঢের তাপলিকতি কড়ে নানা লাগিয়াস, মালদাও বোলতা ক্ষাক্ষিকা আলারিন কড়ে নান্জাস, আউর ঢের আন্ধরা আলারগে এরনা সাওয়াং চিচ্চাস।
যীশুস ই হুর্মি নালাখ নান্জাসকি যোহানেসঘী চেলারিন বাঃচাস, “নিম কালা, এন্দরা ইরকার আউর মেন্জকার, আদিন যোহানেসিন তেংগা। আন্ধরার এরা অংগা লাগনার, লাংড়ার একা অংগা লাগনার, কুষ্ঠ বেরামির কড়ে মানা লাগনার, বাহিরার মেনা অংগা লাগনার, কেচ্চেকা আলার উজ্জারকি চোওয়া লাগনার; আউর গারীবির হেদ্দে দাও বাচান প্রাচার নান্না মানা লাগি।