Popular Bible Verses from Rô-ma 2

Share

Hơic urang dêh tuk hư padok an urang pakan ngak dôm bruk yau nan bloh êng hư lijang ngak, yơ hư xanưng laic drei mưca klah bihu gruk Pô Lingik bican inư habar? Hai nạn hư mong lap gruk dalah dalai anưd tung siam tian, ciup ưn thong palai tung tian anưd Bhô? Hư ôh krưn thau laic tung siam tian Pô Lingik nạn piêh ba ayut tal gruk tumal ô?

Hơic urang dêh, kanê hư nạn thei nao, tuk padok an urang pakan yơ hư ôh mưda đôm palah ka drei bihu; kaywa dalam tuk padok an khol nhu, hư lijang êng padok an drei, kaywa hư padok an urang bloh hư lijang ngak dôm bruk yau khol nhu.

Kaywa Pô Lingik ôh jwak jih thei ô.

Kaywa ôh njaup mưnuix pang hakum jakar bihu mưda yau kahanôt pak anak Pô Lingik, min mưnuix ngak tui hakum jakar mưng nạn mưnuix bihu mong yau kahanôt.

kaywa mưca Bhô pakel ka yāup urang patui bruk khol nhu ngak.

Dok thei ganik tian, ôh pang tui tantu, bloh pang tui gruk tidak adil yơ ba mưk gruk dangih mưkek thong pamưk tamar anưd Pô Lingik.

Min hala tian khang kưg, ôh tumal anưd hư krưh dok patak patom ka drei binhôr dangih mưkek anưd Pô Lingik dalam harei dangih mưkek, nạn tuk gruk bican inư kahanôt anưd Pô Lingik bihu sahadah