Popular Bible Verses from Yâng 16

Share

Ita krung hu đôm thong khol hư dôm kabha ni, piêh khol hư hu gruk thug siam dalam Ita. Mưca khol hư hu rijan dalam dunya, min xang kajap hatai, Ita krung hu jaiyak dunya pajơ.”

Tuk Yang Tantu mưrai, mưca Bhô ba khol hư tamư abih tantu, kaywa Bhô ôh êng drei đôm, min mưca đôm dôm haget drei hu pang, thong pablo ka khol hư dôm haget mưca mưrai.

Tal urak ni, khol hư ôh tuk halei nưmax angan Ita likau kanư kabha haget. Xang likau kanư mek, mưca khol hư tôk bihu, piêh pakal bui khol hư bihu tamo tamê.

Yau nan min, Ita đôm biak thong khol hư: Ita nao nạn hu hanim ka khol hư. Kaywa mưyah Ita ôh nao, yơ Dê Pajiông mưca ôh mưrai tom khol hư. Min mưyah Ita nao, mưca Ita pachai Bhô mưrai. Tuk Bhô mưrai, mưca Bhô sahadah ka dunya thau ka danuh glaic, ka gruk kahanôt thong ka gruk bican inư.

Lijang yau nan, urak ni khol hư biak pađik padrôi, min mưca Ita gōk vơk khol hư yơ tian khol hư bui ôn, thong ôh thei hu mưda poh blah pakal bui khol hư. Dalam harei nan, mưca khol hư ôh tanhi Ita kabha haget vơk. Biak jơh, Ita đôm thong khol hư, pathar pathar kabha haget khol hư likau kanư Amư yơ mưca Bhô nưmax angan Ita ƀai brei ka khol hư.

Biak jơh, Ita đôm thong khol hư, khol hư mưca hia cok, patak parai, dok dunya mưca bui ôn. Khol hư mưca pađik padrôi, min gruk pađik padrôi anưd khol hư mưca gilaic jiơng bui ôn.