Popular Bible Verses from Yâng 10

Share

Ra klek ciêt mưrai piêh poh blah, pamưtai thong thubang; dok Ita krung hu mưrai piêh pabo bihu gruk diup thong gruk diup mưhê xarai.

Ita nạn mưnuix glang siam phôl, mưnuix glang siam phôl kaywa tapôr pabo bloh klāk xwan diup drei.

Pabo Ita hamit xap Ita, Ita thau tapôr nhu, thong tapôr nhu tui Ita.

Ita ƀai brei ka tapôr nhu gruk diup rit rai, tapôr nhu ôh tuk halei pao lihik, thong ôh thei poh blah bihu khol nhu truh di tangin Ita.

Ita nạn baƀang, mưyah thei ywa Ita bloh tamư yơ mưca bihu dong paklah. Mưca khol nhu tamư bloh tabiak thong gōk ƀlang harơk.

Ita nạn mưnuix glang siam phôl. Ita thau pabo Ita, thong pabo Ita thau Ita

Kabha bloh Amư Ita krung hu ƀai brei ka Ita nạn prong hơl abih, thong ôh thei poh blah nhu truh di tangin Amư bihu. Ita thong Amư nạn tha.”

lijang yau Amư thau Ita, thong Ita thau Amư rei. Ita kaywa tapôr pabo bloh klāk xwan diup drei.

Ôh thei mưk xwan diup Ita bihu, min Ita êng gimnit klāk rup. Ita hu gon klāk xwan diup thong hu gon mưk vơk. Ita krung hu tôk panưđar ni mưng Amư Ita.”

Ywa nan ka, Pô Yê-su gilaic đôm: “Biak jơh, Ita đôm thong khol hư, Ita nạn baƀang anưd pabo.

Ra glang apah ôh njaup nạn mưnuix glang; pabo ôh bha di nhu nan ka tuk ƀôh athau thing mưrai, nhu klāk pabo đôic daup. Athau thing pah mưk pabo thong ngak ka calah blah.

“Biak jơh, Ita đôm thong khol hư, urang halei ôh tamư val pabo mưng baƀang, min kajān tamư mưng gilong pakan yơ urang nan nạn ra klek xavah.