Popular Bible Verses from युहान्ना 6

Share

येशुयि हतिबाला नाइसोङ, “मिजेयि लोटा ङ्याना। ङाहि तेहा होङान टोपा मितोबा, राङ ङाहि थोला हिछे किङान नामयाङ खा मिकोमा।

मिजे तेरङान कजसुबायि आत्मा ना, स्हुने च्याङ मिहा। काङ वचन ङाहि खेला नाइरे, हति कजसुबायि आत्मा राङ मिजे ना।

मासि होङान यि ङ्योपि चाला तुका माके, हिन्नाङ नामयाङ मिसिनयापयि मिजे तु त्योएङानयि ङ्योपायि चाला तुका कि, काङते मि पिजि खेला तेरङान ना। चिचालानाना कजसुबा आकि ख्युइ थोला छाप च्याच्यारा होतो।”

चिचालानाना ङाहि आकि धोप्पा धिना, कि पिजाला ताङानला राङ ख्युइ थोला हिछे किङान पोरोला नामयाङ मिसिनयापयि मिजे होङ राङ, राङ ङा हतिला सिनि ङिन सोम्बो सोज्याइ।”

येशुयि हतिबाला नाइसोङ, “कजसुबे लाइ हति राङना सुला ख्युइ चाँचाँबा होतो हतिला खे हिछे कि।”

आकि ङाला पिपिना पोरो ङाहि तेहा होङान ना, राङ ङाहि तेहा होङान च्यिलाङ ङा मासि मिसो।

सिमोन पत्रुसयि जवाक पिन्देलो, “हे प्रभु, ङे सुइ तेहा ढोज्याइ? ख्योए ङ्याबो नामयाङ मिसिनयापयि मिजेयि वचन दु।

तेङलाने पापाबि सोम्बो लोटा ङा राङ ना। सुइ धि लोटा साइ हति बारतै मिसिया तोकिन। राङ काङ लोटा ङा संसारयि मिजेयि चाला तेरच्याइ, हतिते ङाहि स्हु ना।”

ङाला चोँङानयि आकि मा टुइना सुइ याङ ङाहि तिया होङ मिङ्युइबा, राङ ङा हतिला सिनि ङिन सोम्बो सोज्याइ।

चिचालानाना कजसुबे लोटा हति राङना, काङते तेङलाने हुन राङ, संसारला मिजे तेरिन।”

ङा मिजेयि लोटा ना।

तेहि येशुयि लोटा खेरसोङ, राङ कजसुबा ला कटिनक्याँ नाइरे च्येला त्योएङान तेबाला कोहििसोङ, हतिच्वरा क्याइरे ङ्या याङ कोहििसोङ। हतिबाला चोम कोइबा होए होचोम पिन्सोङ। तेहि ख्होए ढ्हाढ्हा थु साइ सोङ ख्युइ खुरि लोब्टुतेबाला नाइसोङ, “ला मा लुलुइबि तुबुतेबा तुइ, चियाङ मासहि होङदु माजु।”

ङा ट्हु किलोमिटर डुङगा चलाइ क्याइरे पुते हतिबे येशु छो छोम्मुवायि थोला काङबि डुङगायि धुनला होङान थोङसोङ, तेहि हतिबा झिसोङ। हिन्नाङ ख्युइ हतिबाला नाइसोङ, “ङ्याना माझि।”