Popular Bible Verses from Rô-ma 8

Share

Bơl bơn gưt laah jôm baak ta sruôl pôl lơh thlay aan pal 'bơơn êch srlanh Brah Ưn, nei laa aan pal bnih kươt khuôl tênh rnđêch Pang ri.

Đươm hei gưt jap laah paich baak chhưt, baak rêh, bơl lênh brah, bơl kan ttih, kaar nar au, kaar nar a kơơi, bơl dang kmheng, prêh, jru, paich di pai tơmbut ơơn kot 'bưn geh kơrleet bơl bơn rlach baak srlanh Brah Ưn ri knông Yaang Krist Jê-sus, Brah bơl bơn.

Kot bei nei, Brah Wêêng joq jraih baak lhok lhơơi bơl bơn ri, đươm bơl bơn 'bưn gưt phrui r'bon dan ntil ơơn aan dip, dôh nơơm Brah Wêêng nhôq pal baak choong rmlơng 'bưn mor sot dơng baak baah r'bon aan bơl bơn.

Bei nei, bơl bơn a kươi mor ơơn teq u pal kaar au? Mơq Brah Ưn dơk a mat bơl bơn nei nha 'bơơn kmang n'hai bơl bơn?

Nei bei au, pal 'bơơn gôq knông Yaang Krist Jê-sus a kươi 'bưn geh kaap dôih hôm

Chmlam teq u Pêêk pai sot lgơơch baak chhưt, nha chmlam teq u Brah Wêêng sot lgơơch baak rêh u sroong boong

Mat baah kơơi, knông jôm baak nei bơl bơn chkhôm Yaang êch srlanh nơơm baah jn'ah.

Hei gênh laah pal ji rngiêl nar au 'bưn tpal jah pndang n'hai chring chraang nar a kươi a kươi kươt tơrsau aan bơl bơn.

'Bơơn a kươi kơrleet bơl bơn rlach baak srlanh Yaang Krist ri? Geh lah r'baak, kro rngiêl, nhôp kơt, nh'hit nh'hiêr, si rôôk si rơơi, ring, paich laa pêh taak 'bưn?

Yaang mơq leq chưt bnih, gưt srlah gơrninh Brah Wêêng ri, đươm Brah Wêêng tênh rnđêch Brah Ưn baah ta r'bon aan bơl koon sơih.

Đươm leq sêch pal 'bơơn kươt Brah Wêêng Brah Ưn ri têêk liêu kot laa koon Brah Ưn ri.

Ngan nei, pal 'bơơn rêh tênh pêêk pai nei chmlam teq u pal kaar pơơn pêêk pai; nha pal 'bơơn rêh tênh Brah Wêêng nei chmlam teq u pal kaar pơơn Brah Wêêng.

Pang ja 'bưn khwaich Koon nơơm, dôh đươm leq sêch bơl bơn baah ndơơp Koon nei aan, nei Pang leet 'bưn ươn jôm baak pôl n'hai Koon nei aan bơl bơn laang?

Nơơm Brah Wêêng lơh ndraanh n'hai chưt nuih bơl bơn laa bơl bơn laah koon sau Brah Ưn. Mơq lah koon sau nei bơl bơn kot laa bnih dơơn, đah lah bnih dơơn Brah Ưn ri đah lah bnih a dơơn teq u Yaang Krist; mơq bơl bơn a ngan pôl ơt rngiêl n'hai Pang nei bơl bơn a kươi pôl kươt chring chraang n'hai Pang.

đươm chưt gơrninh wih teq u pêêk pai nei kmang n'hai Brah Ưn, đươm bu 'bưn chôh tênh ch'bap Brah Ưn ri; a ngan, bu 'bưn geh lpat jah chôh.

Đươm pai mrơt sang rmeh, a ngan cham kmbưng baak lôh tơt koon sau Brah Ưn ri.

Đươm bơl bơn gưt laah leq sêch pai tơmbut kot chhong rmlơng u ji kôr aan tơt nar au