Popular Bible Verses from Rô-ma 6

Share

Đươm prak kaih dôih 'baap ri laa baak chhưt, dôh baak ươn Brah Ưn ri laa baak rêh yoot yôw knông Yaang Krist Jê-sus, Brah bơl bơn.

Đươm dôih 'baap a kươi 'bưn nh'ơơm kan bôôk oh bi, đươm oh bi 'bưn a teh ch'bap dôh a teh brêêng smlaang.

Bei nei, đươm bap-tem, bơl bơn ja kươt rôôp teq u knông baak chhưt n'hai Pang, jah hơơi bei Yaang Krist chkhôm chring chraang Bươp ri kươt rêh kươi a ktôk chhưt bei êch nei bơl bơn kot kươt rêh knông klap mhei bei nei.

Khơơm piyơ chhak jan nơơm lơh griêng đơơk đaak aan dôih 'baap, dôh phrui piyơ nơơm bơn aan Brah Ưn bei pal koon bnih a ktôk chhưt rêh kươi, u piyơ chhak jan nơơm lơh griêng sêch song aan Brah Ưn.

Bơl bơn gưt laah koon bnih ndơm bơl bơn ri ja pôl dol pơng đênh teq u chhư rglaang n'hai Pang, jah koon bnih dôih 'baap dol luôch lêêk, n'hai bơl bơn 'bưn nh'ơơm lơh dêch aan dôih 'baap hôm.

Bei nei, oh bi kot phrui krơơ nơơm ja chhưt teq u dôih 'baap u plah rêh aan Brah Ưn knông Yaang Krist Jê-sus.

Bei nei bơl bơn a kươi mor bei êch? Bơl bơn khang rêh knông dôih 'baap jah brêêng smlaang kươt ngroh ngri laang? 'Bưn geh bei nei! Bơl bơn ja chhưt teq n'hai dôih 'baap nei lơh bei êch khang rêh ndih knông dôih 'baap kươt?

Oh bi 'bưn gưt laah mơq oh bi liêu chhak lơh dêch jah chôh bnih êch nei oh bi laa dêch aan bnih bơn chôh laang? Paich dêch pa dôih 'baap liêu tơt baak chhưt, paich dêch baak chôh ri liêu tơt baak sêch song.

Dôh or Brah Ưn, đươm oh bi ja lơh dêch aan dôih 'baap baah au a ngan chưt chôh rkươt tơmbơh kne junh ndơơp aan oh bi, u oh bi ja kươt dơrluh rlach dôih 'baap, but koon dêch aan baak sêch song.