Popular Bible Verses from Mak 13

Share

Bơl 'bei a kươi dol jôm bnih a kiêr đươm saak Hei. Dôh 'bơơn jap chưt aan tơt ptut nei a kươi kươt đoh.

Phrui nhjrang u kah rngeh đươm bơl 'bei 'bưn gưt bêl nei lôh khal êch.

Tơt bu jưn ndơơp bơl 'bei, khơơm gênh noor teq u ntil bơn a kươi mor, dôh knông bêl nei, phrui mor tênh baak a kươi kươt ươn bơl 'bei; đươm 'bưn geh bơl 'bei mor laang, dôh laa Brah Wêêng.

Teh trôôk a kươi han rlach, dôh pal baak Hei mor a kươi 'bưn khal êch rlach laang.

Nha teq u nar paich laa bêl nei 'bưn geh 'bơơn gưt kươt, leq bơl lênh brah lơ trôôk paich laa Koon kot bei nei, dơơn di mbu Bươp ei gưt.

Tơt bơl 'bei ttang lah teq u talơh tapanh baak lư teq u talơh tapanh nei khơơm rhơq rpơq; kaar nei phrui lôh tơt, dôh ndah phrui laa ptut laang.

Bei nei, phrui kah rngeh đươm bơl 'bei 'bưn gưt nnơơm nhi siq khal êch, paich mau jơ ngôw, nggơl mang, plah iêr ndrau, paich brung aang, daq nnơơm siq a drot, sau amơp bơl 'bei nha bêch pan. Ntil ơơn Hei mor n'hai bơl 'bei, Hei kot mor aan jôm bnih: Phrui kah rngeh!”

Đươm raih au a kươi kn'hao kmang kươi raih nday, daak ti wal teq u daak su. A kươi geh rlơm teh ơk ktôk, n'hai nh'hit pngot lôh tơt. Au mhei dơơn laa bôôk daak pal kro rngiêl ei.

Dôh noor leq, Baak Sroong Klanh phrui kươt chhuôr aan jôm raih bal.

Đươm geh ơk bơl bnih a kươi lhiat saak Hei baah lôh u mor laah: ‘Nơơm hei laa yaang nei!’ u bơl bu a kươi kơhok lhiat ơk bnih.

Teq u bơl 'bei, phrui nhjrang đươm bu a kươi ndơơp bơl 'bei aan pal ktôk pơrkat dôih; bơl 'bei a kươi dol pơm sơmboong knông pal nhi pơrgum; đươm u Hei, bơl 'bei a kươi phrui ta yoong bôôk mat bơl yau tông u bơl snđach jah lơh ndraanh aan bu.

Bơl lhiat saak Yaang Krist u bơl grnưt noor lhiat a kươi lôh sot; bơl bu lơh ơk chmlih chmleek, r'bon r'bian jah mơq kươt nei kơhok lhiat leq bơl bnih kươt sach.

Knông pal nar nei, jơl kươi r'baak, Mat nar a kươi mang jơ ngôw, Mat khay a kươi 'bưn yơr aang, Pal smanh a kươi lơ trôôk a tup u teh, U pal kmheng lơ trôôk a kươi dol luônh lơgơh.