Popular Bible Verses from I Kô-rinh-tô 12

Share

Baak tơrsau Brah Wêêng ri kươt ươn jôm bnih laa đươm thlay pôl.

Oh bi laa chhak Yaang Krist ri, u jôm mbu bnih laa mlơm jơng ti.

Mơq mlơm jơng ti êch dol ji nei leq sêch kot ji pôl; mơq mlơm jơng ti êch kươt đing nei leq sêch kot broh s'bai pôl.

Bnih au kươt Brah Wêêng ươn baak mor jhai rpech; đươm pôl mlơm Brah Wêêng, bnih nday dơơp kươt baak mor gưt jhai. Pôl mlơm Brah Wêêng ươn bnih au chưt jơrnơ; đươm pôl mlơm Brah Wêêng, bnih nday dơơp kươt baak smlaang tơmbah pơrtanh. Bnih nei kươt lơh pal chmlih chmleek, bnih nei kươt mor grnưt noor, bnih nei kươt chưrleek pal wêêng, bnih nei kươt mor pal til baak êêng, bnih nei kươt jhai rơih pal ntil baak nei.

Leq sêch ơp ntil au laa kaar pôl mlơm Brah Wêêng ri; Pang ta toon baak smlaang aan di mbu muôi tênh rnđêch Pang.

jah aan 'bưn geh baak pơrlang khach êch knông chhak, dôh pal jơng ti geh pôl mlơm agleng ta n'hai.

Geh ơk baak smlaang êêng nday, dôh dơơn geh mbu Brah Wêêng. Geh ơk kheet jraih kaar êêng nday, dôh dơơn geh mlơm Brah. Geh ơk kaar bơ êêng nday, dôh dơơn geh mlơm Brah Ưn, Yaang lơh jôm kaar knông jôm bnih.

Brah Ưn ja dap dơih knông Phung Jrah: daak bôôk laa jơt jơng, ttal baar lah grnưt noor, ttal pei laa yau tơr ni, ndih nha lah bnih lơh chmlih chmleek, hơơi tơt bnih kươt baak smlaang tơmbah pơrtanh, bnih joq jraih, bnih kan bôôk, bnih mor pal til baak êêng.

Đươm chhak 'bưn geh dơơn jơng ti baah geh ơk jơng ti.

Mat baah kươi, pal jơng ti êch knông chhak mơq bei lhok lhơơi huôih, leet laa chkhôm mbưng huôih nha.

Mơq leq dơng chhak kot laa pi mat nei lơh bei êch baah iat? Mơq leq dơng chhak kot laa tôr nei lơh bei êch baah êq? Dôh bei au, Brah Ưn ja dap dơih pal jơng ti chhak ri, jôm jơng ti tênh rnđêch Pang. Mơq leq sêch dơơn laa mlơm jơng ti nei chhak a êch?