Popular Bible Verses from Tez Hujlwd 1

Share

Tadsis thaws Vaaj Ntsujplig tuz Diashub luz nrug mej nyos liad, niz yiad pus fwjchid tu mej has mej yiad ua tidkhiab qha kud zaaj muz thoos pliaz hub lus nroog Yeluxalees, hub lus xeeb Yudais, hub lus xeeb Xamalis, has muz txug qaas ntuj kiag.”

Yexus has tu cud tas, “Tsi taaz mej yiad paws has tas hnoos twg has lus sijhiad twg yiad muaj ni qhai. Lus sijhiad qhai, nyos qhais leej Vaid teed ca.

Muaj is zag thaws Yexus nrug niz cob tidthiaj nyos ua ke, niz saadfwd tu cud tas, “Mej tsi xod tiad hub lus nroog Yeluxalees muz qhob twg ni, mej yiadtsud nyos toz txug hnoos kwg mej taw rias ni kud Vaid cogluz has tas, niz yiad pus tu mej. Qhob qhai kud ted qha tu mej liad. Yawhaas muas neeg ua kebcai raws tu hub dej, tadsis tshuab os pes hnoos nyaz, yiad muas mej ua kebcai raws luz qhai Vaaj Ntsujplig Tuz Diashub.”

Tu qhob plaws cawg hnoos tod qaas kwg niz siab hub qhob tuag rob qaas luz, niz taw luz tshwd tu cud pud ntaw zag, kuas cud paws has tas niz tseed muaj sa nyos. Cud taw pud niz has niz qha cud txug Vaajtswb lus Teschias.

Thaws Yexus has ni qhai taaz, thaws cud tseed nuad quas ntsoob Yexus, ces Vaajtswb txiad coj Yexus muz saw ntuj liad. Muaj is twb fuas luz rooz niz, ces cud tsi pud niz liad.

Thaws cud tseed taastod nuad ntsoob Yexus muz saw ntuj, ua caaz muaj os tug yiag hnaab rig tsho dias pawg luz siab qhai cud. Ostug has tu cud tas, “Cob neeg Kalilais, mej siab nuad saw ntuj ua daastsi? Yexus tuz kwg Vaajtswb qhos ni coj muz saw ntuj liad, niz yeej yiad rob qaas luz is yaad nkaws ni kwg mej pud niz muz ntag.”