Popular Bible Verses from Marcos 1

Share

Mbi nok-nokaꞌ, feꞌ ka nmeu nfiin, Jesus anfeen ma mpoi naꞌko ume nane. In nnao mbi bael sonaꞌ he nꞌonen, ma namolok nok Uisneno.

In natoon mnak, “Mneen nai! Uisneno In neno he nteel ee! Neno ii, atoni ok-okeꞌ nahiin am nak, Uisneno naplenat. On nane te, hi musti misnaas nai miꞌko hi sanat sin! Okeꞌ te, mituin lalan Uisneno nai.”

Olas Jesus mpoi naꞌko oel, suk naskeek, napeen niit neno tunan natfeiꞌ. Nalali te, Uisneno In Smana Kninoꞌ nsaon neem neu Ne, namnees on leꞌ kol-pani. Ma on nane te, anneen Uisneno In hanan naꞌko neno tunan nak, “Ho leꞌ ii, Au Aan Honiꞌ. Ho es meki mhaliin Kau, Au nekak.”

Au ala uslani ki ꞌeki oel, mes In lof nmoeꞌ nneis naꞌko kau. Fun In lof nahenu ki hi nekam neik Uisneno In Smana Kninoꞌ.”

Jesus noꞌen sin mnak, “Hoi, baeꞌ sin! Eim mituina Kau feꞌ! Nen-nenoꞌ hi maim ikaꞌ, mes neno ii, Au he ujalip ki he maim atoni meu Uisneno.” Nneen nalalin on nane te, sin nua sin nabelak naen tifkai nane, ma nnaon natuin Ee.

Nneen in aꞌnoinaꞌ, atoni ok-okeꞌ sin namkakan, fun In nahiin maneꞌo ꞌnoinaꞌ nane in nesan. Nane ka namnees fa nok atoni Judeu sin kulu akama.