Popular Bible Verses from Colosas 1

Share

Oyya su id polegguang ki to Monama pomon diyot kotuusan ni Moivuyan no od hari riyot mosukirom, woy id alin ki nikandin diyot kohoriyan taddot Anak din no si Disas Krays no id dokollan din to ginawa.

Su ukit kandin, novovallan iddos langun no riyot datas to langit woy dos ka-ay to ampow't ingod, dos langun nod kokita woy dos konnod kokita, ahad iddos nokod-osso-osson ispiritu no duwon kotuusan woy kotungud. Langun ka-ay, novovallan ukit ki Disas Krays woy atag to kodposivantug kandin.

To waa pa novovalli kos ahad ondan, duwon don tapoy sikandin, woy sikandin kos id tapid to langun no binovallan woy no-iraom idda to kandin no kotungud.

Na riyot ki Disas Krays, od kokita ta iddos botasanon to Monama no konnod kokita. To waa pa novovalli inis ingod, duwon don tapoy si Disas Krays woy lampas sikandin to langun.

De-en pomon taddot allow no norinog doy iddos moka-atag koniyu, id dasaa koy inaayun diyot Monama atag koniyu. Id buyu roy no od iponnuwon kow to moraom no koovottan nid pomon to Ispiritu rin, su amoy od kosorollan dow iddos id kopi-i rin atag koniyu. Oyya su ukit ka-ay, od loppa iddos koniyun kodbovotasan taddot mgo minuvu nid pomakoy tod Longaggon amoy od kopuungan dow inaayun kos id kahaa-i rin. Od dasaa koy nod puungan dow iddos langun no moppiya, woy od kotimulan pe-en kos sinorollan dow moka-atag to Monama.