Popular Bible Verses from 1 Corintios 12

Share

N Espíritu sejse kinmaka se weletílistli para manomechompalewi.

Ijkó kiné, nochteh nomejwah nonkimajmanah ikuerpo n Cristo, iwa non sejsemeh non sasalitokeh itech non kuerpo.

Yika, ijkuak se tokxi noso se toma mokokoa, nochi tokuerpo tlaijyowia. Iwa tla se tokxi noso se toma okachi tikmokuitlawiah, nochi tokuerpo mokawa ika pakílistli.

Sikimeh n Espíritu kinmaka weletílistli para matetlapowikah ika ixtlamatílistli. Iwa oksikimeh kinmaka weletílistli para matlajtokah tlan oksikimeh amo okimatiah. Iwa oksikimeh, n Espíritu kinmaka weletílistli para matlaneltokakah. Oksikimeh kiseliah weletílistli para makimpajtikah kokoxkeh san ika se Espíritu. Oksikimeh, n Espíritu kinmaka weletílistli para makinchiwakah milagros, iwa oksikimeh para matetlapowikah tlan Dios kineki matikchiwakah. Oksikimeh, n Espíritu kinchiwa mayetokah ixtlamatkeh para makimatikah katliejmeh tlajtojtokeh ika Espíritu iwa katliejmeh amó. Oksikimeh, n Espíritu Santo kinmaka weletílistli para matlajtokah ika oksikimeh tlájtolteh. Iwa oksikimeh, n Espíritu kinmaka weletílistli para makinmajsikamatikah nonteh tlájtolteh yankuikeh iwa makijtokah tlanón kijtosnekih.

Pero nochi noni kichiwa non san Ye se Espíritu, Akin kinxejxelilia iweletilis nochteh ijkó kemi Ye kimonekiltia.

Ijkó okichijchi para amo mamoxexelo tokuerpo, yej nochi tlan kimajmantok tokuerpo mamosepantlachilikah.

Onka tlatlámantli tlatliokólili non se weletis kiselis, pero san se Espíritu akin kitemaka. Onka tlatlámantli toteki tlan ika weletis tiktekichiwiliskeh, pero onka san se Toteko. Weletis tikchiwaskeh san miak, pero onka san se Dios akin kichiwa nochi tekitl intech n tlakah.

Ijkó, Dios okinmajmak tlatlamantli tekitl non Ye okinpéjpenki. Achto, okintlali tlatematiltijkeh, satepa non kitematiltiah itlajtol Dios non Ye kinmilia makitematiltikah, satepa, tlamachtijkeh, satepa, non kinchiwah milagros, satepa, non kimpajtiah kokoxkeh, oksikimeh non tlapalewiah, oksikimeh non tlayakana, iwa oksikimeh matlajtokah ika oksikimeh tlájtolteh.

Se kuerpo amo majmantok san ika se omitl, yej ika miakeh omiomeh.

Mach ijkó, porke tlan itech tokuerpo tikmoliah amo chikawak, ye tlan okachi moneki.

Yika, tla nochi n kuerpo yaskia ixtololotl, ¿kenomi titlakakiskiah? Noso tla nochi n kuerpo yaskia nákastli, ¿kenomi titlaijnekuiskiah? Pero Dios okimájmanki tokuerpo kemi Ye okimonekilti. Tla nochi tokuerpo yaskia ixtololotl, ¿kenomi yaskia tokuerpo?