Popular Bible Verses from An Roma 10

Share

Awaz ge̱ ta̱'v vat a̱n nwa̱a̱'a rov az Ye̱so, i Kan Go̱mca̱n Kooye̱, a̱v bat ta̱m d'ba̱t baa Na'Sil a̱nmin de̱bc rov az Sila po̱to̱sko̱ o, ta̱'v kum d'gwa̱a̱ma̱.

Rema̱n i a̱n c'de̱b a̱n noc tu batt d'ba̱t baa Na'Sil, Sila le̱gt o. I na'nwa̱a̱ ta̱m a̱n noc tu vat batma̱n ba̱ta̱d ru baa Na'Sil, Sila gwa̱a̱t o.

Rema̱n taanlo, bata̱m d'ba̱t baa Na'Sil lan baan honga̱m d'ba̱sa̱. Ba̱sa̱d ne, i ba̱sda̱n lalk Ka̱risti.

Ho̱da̱na̱n ge̱nsa̱n lalks Na'Sil zetine, “Koowe̱ a̱n batin d'ba̱t baa Na'Sila̱, a tu ryaa m'e̱n da.” Kan Go̱mca̱n Kooye̱ za tu ka̱a̱ka̱nsi Yahude̱n a an zain Yahude̱n da. Kan Go̱mca̱n Kooye̱, i uda̱n. I unwa a̱n reina̱n go̱mca̱n kooye̱. Tu ne̱e̱ ta̱m koowe̱ a̱n po̱gin o u'pusu u rorke. Ho̱da̱na̱n lalks Na'Sil vattine, “Koowe̱ a̱n tu po̱g dind Kan Go̱mca̱n Kooye̱, nan gwa̱a̱ o.”

I'Le̱e̱le̱ a̱n ta emt d'ba̱sa̱, a za a na comk na̱ da? I ho̱da̱na̱n i retin a'ge̱n a̱n lalks Na'Sila̱, “Go̱t na ho̱da̱n hanm an ba̱sda̱n kasi lalk citin d'ke̱me̱.”

I'Le̱e̱le̱ kaa a̱n ta po̱gt kan a ta batin d'ba̱t baa ru da? I'Le̱e̱le̱ a̱n ta batt d'ba̱t baa kan a ta hongin da̱n unwa da? I'Le̱e̱le̱ a̱n ta hongte, awaz ka d'ba̱s za da?

I Ka̱risti a̱n sain be̱se̱da̱n gabma̱n giiras Mosa. I bat Sila ta le̱g koowe̱ a̱n batin d'ba̱t baa na̱.