Popular Bible Verses from Maatiyu 5

Share

Na za nan dapasa d'ta̱si na kubg da̱ ni'dor da. I na sakasa da̱ a̱n d'sakc rema̱n da̱ za̱na̱sta̱ u'bu kwe̱. Rema̱n taanlo, lag na za̱nd no za̱na̱sa̱ baa netna, bat ta he̱n yomka no a kasi a ne̱e̱ A'Sil Ceta no un rein a̱nmi na'con k'gwin.

“I nwaa a̱n rein za̱nda̱n copun yanda̱hna, le̱ina̱n rein a̱n conan se̱me̱, a ti ze̱se̱ da.

Sila emaka an de̱bc kasi, ta he̱n A'Sila̱.

Sila emaka an savin c'de̱b a̱n ema̱n rina̱n Sila ta to̱no̱, Sila ta ne̱e̱ na̱ rina̱n a reina̱n hobo.

Mi la a̱m zeka no, ‘To̱n na an ha̱lin no, a̱n cepka an reina̱n ryeesam no d'koba.

Sila emaka an napin az i na̱nna kobneta̱n a̱n d'hormo, go̱mc na'con ic na̱.

Sila emaka a d'se̱e̱pse̱, nan po̱g na̱ aka̱n Na'Sila̱.

Sila emaka an nau c'de̱be̱, Sila ta la̱ta̱sa̱ na̱ c'de̱be̱.

Sila emaka an nan ryeesa d'kob rema̱n a el a̱n gela̱v Na'Sila̱, go̱mc na'con ic na̱.

Sila emaka a m'za̱i, Sila ta hong la za̱im na̱.

Sila emaka no, daava̱n neta̱n ta rebga̱lt no, a ryeesa ta̱m no d'koba, a e̱le̱ ta̱m no kooye̱ goon katca rem ri. Em na c'za̱ngkta̱ a damran pusuu c'de̱b ne̱, rema̱n copa̱nc no a̱nz a'con rork d'kala. I ho̱da̱n lo bo̱ ta̱m a ryeestain baranc Na'Sil an bain no d'koba.

Sila emaka an rein tuptupu, Sila ta ne̱e̱ na̱ copun yanda̱hna.

“I nwaa a̱n rein gumin copun yanda̱hna. A gumi rob la ryaam e, i ho̱da̱npe̱ a̱n nan mamgt e? I ta kustu ta̱m rihi kasi in nan em a̱n inya da, a za na ask e neta̱n le̱vga̱l da.

Soot na an zattin ri d'reb da ho̱da̱na̱n ceta no un rein a̱nmi na'con zattin ri d'reb da.

Lag lalks no soot, ‘Ha̱.’ Awaz i rina̱n ta̱n zeta, ‘Ha̱.’ I soot ta̱m, ‘A̱'a̱.’ Awaz i rina̱n ta̱n zeta, ‘A̱a̱.’ Rina̱n to̱in taanl kwe̱, i lan baa A̱krimu.

“A̱n hongk ta̱m na zeka, ‘Kan he̱e̱kin na d'isa̱, na he̱e̱k la da̱ ru. Kan ho̱lin na v'nina̱, na ho̱l la v ru.’ Mi la a̱m zeka no, a noc ema no v'dumu, an so̱to̱so̱ la da. Koowe̱ a̱n gonannain v a̱n yamun koma s'to̱o̱, panksa o yamu hyan.

Awaz isa̱d rov ta̱d de̱l a̱v ko̱to̱, ho̱l da̱ v duku. I u'kum baa rov a̱v rob yobun we̱du rovo, a̱nda na bono v a we̱du rova̱n u'biri a̱nmin wa̱a̱ka̱n hwela. “Awaz ta̱m koma rov ta de̱l a̱v ko̱to̱, gedanna na̱ v duku. I u'kum baa rov a̱v rob yobun we̱du rovo, a̱nda na bono v a we̱du rova̱n u'biri a̱nmin wa̱a̱ka̱n hwela.