Popular Bible Verses from Yohana 1

Share

Geda̱n an kabin la o kwe̱, a bat ta̱m d'ba̱t a̱n dind ru, u ne̱e̱k na̱m'we̱s a vaak akna Na'Sila̱.

A̱n d'takbo, ai na balta copun yanda̱hna, Gomd laka. Gomd ne lak ta̱m baa Na'Sila̱. Gomd ne ta̱ma̱, i A'Sila̱.

Za̱nda̱n lo za̱na̱ska̱ i'cumunkunnu. Cumunkunni ta hweks la a̱n rims da̱ da.

Gomd bala̱mk noco, u sootk baa cinna. Na he̱nk ta̱m gwink ru. Goon gwinka̱n i kan rwa̱in baa Na'Sil c'taa un tu ci ka̱. U el ta̱m a m'ga̱u nu, a pusuu Na'Sil a̱n hwe̱di.

I a̱n Gomd ne a̱n Sila baltin c'rihi kwe̱. A za a̱n Gomda̱n da, rihi za in Sila balin da. I baad da̱ a̱n po̱tu rwa̱ini. I po̱tun lo ta̱m a̱n rein za̱nd netna.

Na̱m'zanta, Yohana he̱nke̱ Ye̱so tu noka-noka baa ru. U zeta bo̱ na̱, “Go̱t bo̱ na Waa'Kyo̱o̱ma̱v Na'Sila̱! Un nan hwaa ho̱da̱n ka̱ca̱v c'to̱ve. Un tu to̱v an copun yanda̱ha̱n lanma̱n ko̱tc na̱.

Gomd ne lak de̱ha̱n a̱nmin copun yanda̱hna. Go̱t ge̱ i a̱n da̱nda a̱n Sila baltin copun yanda̱hna, an copun yanda̱ha̱n ta nap la o da. U haka baa neta̱n ru. A ta kab la o da.

Za̱nda̱ m'ga̱u da̱n-da̱n za̱na̱sa̱ kooye̱ nocwa, lan na̱m'han a̱nmin copun yanda̱hna.

I Mosa a̱n Sila nesain s'giira. Pusuu Na'Sil a m'ga̱un la, i baa Ye̱so a̱n sa̱ rwa̱ini.