Popular Bible Verses from Yomka C'Comtne 2

Share

Bitrus se̱st bo̱ na̱, “But na c'hwin a̱n lag c'ko̱to. Na ema ta̱m kooye̱ da̱nv no wa baptisma a̱n dind Ye̱so Ka̱risti rema̱n Sila kwisiti no c'ko̱to. Daava̱n lo kaa ta̱n kab ho̱sma̱n Hora̱mda̱n zattin ri d'reb da.

An kabin lalko, a kaak d'hi a̱n gabma̱n la̱a̱ss comta̱nc Ye̱so. A el ta sa̱ma̱nna̱ d'baa da̱n, ta ryaak d'kutu, a em ta̱m s'cepko.

Na̱nna kwe̱, Sila cwemta̱vka na̱ Hora̱mda̱n zattin ri d'reb da. A takkaz s'lalk a̱n remc hyan ho̱da̱n Hora̱md gabttin na̱.

A̱ndaabe, gudga̱d ruka̱ lanm na'con ho̱da̱n gudgda̱n damra c'e̱n. A̱d haka a̱d hik buuna̱n a retin a'soota. A he̱n-he̱n c'rihi ho̱da̱n remca̱n hwela. C haka c hek a̱n kooye̱ da̱nv na̱ wa. Na̱nna kwe̱, Sila cwemta̱vka na̱ Hora̱mda̱n zattin ri d'reb da. A takkaz s'lalk a̱n remc hyan ho̱da̱n Hora̱md gabttin na̱.

A ryaak ta̱m hwic ta mera d'baa d'da̱nka̱ kooye̱ hweda a̱nmin gwen un buuk Na'Sila̱. Ta ryaak ta̱m d'kutu a̱n kooye̱ buuwa a̱n c'za̱ngkta̱, d'ba̱t d'da̱n, a̱n bo̱mc Na'Sila̱. Koowe̱ lak tu to̱n na̱. Kooye̱ hweda ta̱ma̱, Sila el a̱n sudva̱m na̱ a s'gaba, netnanan na gwa̱ini.

“ ‘Az Sila zeka, a̱n hweca̱ d'be̱se̱, ta̱'m comta Hora̱md ri baa neta̱n kwe̱. Aka̱n no, yaa'a̱rma̱n a yaa'yantan ta vat com Na'Sil da̱n rihica̱n laine. Ya̱a̱taya̱a̱ca̱n rihic Na'Sil ca̱n em yaa'beba̱n no. Beensa̱n ryaa ta̱m manka̱n no.

An batin d'ba̱t baa Ye̱so sootk d'baa d'da̱n a emk ta̱m c'rihi kwe̱ d'kutu. A be̱ba̱lk ta̱m rihica̱n ca ciin a we̱nka̱lke̱ koowe̱ ho̱da̱n kals ru.

Koowe̱ la a̱n po̱gin dind Na'Sila̱, Sila ta gwa̱a̱ o.’

Ai damran hwed Kan Go̱mca̱n Kooye̱ da̱ k'gwin ceta la, cumunkunni ti biti d'hwen. Pe̱e̱t tu vaak ho̱d m'hiba̱.