Popular Bible Verses from 1 An Korinti 12

Share

Na el nan he̱n we̱sma̱n Hora̱md Na'Sil baa koowe̱ rema̱n ryaaka̱n hwic a s'gab kwe̱.

Nwaa kwe̱ i we̱du Ka̱risti. Kooye̱ da̱nv no wa, i yobun we̱dune.

Rema̱n taanlo, a yobu da̱nka̱ la a̱n ryaaka̱ d'koba, c'yob kwe̱ ca̱n ryaa d'koba. Awaz ta̱m na ne̱e̱k yobu da̱nka̱ k'gwin, c'yob kwe̱ ca̱n em c'za̱ngkta̱.

Uhyan na ne̱e̱k o s'ver rema̱n we̱sma̱n Hora̱md Na'Sila̱. Uhyan la Hora̱mda̱n lo ge̱, ne̱e̱k o s'napa. Hora̱mda̱n lo ge̱ ta̱m a̱n ne̱in uhyan bata̱m d'ba̱t baa Na'Sil hwe̱di d'kala. Da̱nda ta̱m a̱n ne̱in uhyan we̱sma̱n taasa̱m s'malse. Hora̱mda̱n lo ne̱e̱k ta̱m uhyan we̱sma̱n emma̱n rihica̱ c'he̱te̱. Uhyan we̱sma̱n vatma̱n com Na'Sila̱. Uhyan ka̱a̱ka̱nsim hora̱md kasi a da̱ naaka̱n ne. U ne̱e̱k ta̱m uhyan la̱a̱ma̱n damma̱n remca̱n rein a̱nz a'con s'goo-s'goo. Uhyan ta̱m ba̱tksa̱ma̱n remca̱n rein a̱nz a'cona.

Ho̱sma̱ ha̱n kwe̱, i lanma̱n Hora̱md Na'Sila̱. Da̱ we̱nkke̱ ta̱m koowe̱ ho̱da̱na̱n a̱d to̱ntine.

Sila em-em taanl bat we̱du tu soot rihi i'da̱nka̱. Kooye̱ yobwa, u hong za̱im uhyan ho̱d da̱n.

We̱sma̱n emka̱lla̱m c'rihi el s'goo-s'goo. Hora̱mda̱n zattin ri d'reb da la, i d'da̱n. Yomkanan nan ema A'Sil el s'goo-s'goo, go̱t la i Kan Go̱mca̱n Kooye̱ uda̱nka̱. Le̱vsa̱n emam Na'Sil a'yomk el ta̱m s'goo-s'goo. I A'Sil a'da̱nka̱ la a̱n reina̱n ne̱e̱m neta̱n kwe̱ we̱sma̱n emka̱lla̱m yomks ne.

Sila dagk ta̱m ahyan baan bugd a s'gaba. Na̱m'e̱te̱, c'comtne. A v'illa̱, an vatma̱n com Na'Sila̱. A v'ta̱ccu, an la̱a̱sa̱m na lalks Na'Sila̱. Go̱t ta̱m an emkma̱n rihica̱ c'he̱te̱. Go̱t ta̱m an ho̱sma̱n taasa̱m s'malse. Go̱t an emam neta̱n d'se̱e̱te̱. Go̱t an ho̱sma̱n gabtma̱n netna. Go̱t an damma̱ c'rem s'goo-s'goo ca̱n rein a̱nz a'cona.

Za u'yob uda̱nka̱ a̱n we̱du ciin da, i c'yob hwe̱di.

M'Ga̱u, yobc nu'we̱d la ca̱n nan he̱n az c kalk m'we̱se̱, a ti ema la da, a za a ca̱ncan da.

Awaz be̱ u'we̱d u'biri i d'isa̱, i a̱n ye̱ be̱ a̱n nan hongte? Awaz be̱ ta̱m az u'we̱d u'biri i u'con, i a̱n ye̱ be̱ a̱n nan kosa̱mte? Sila se̱e̱pske̱ la yobc nu'we̱d kwe̱. Kooye̱ yobwa, ho̱da̱na̱n a to̱ntin u soota. Awaz yobca̱n lo kwe̱ i u'yob da̱n, i pe̱ha̱n be̱ u'we̱de̱?