Popular Bible Verses from YISEWE 13

Share

Kara ukwawo novanongo ngo kare munongo. Nsene o kara ukwawo novagova, ngo hanauka po.

O takamese kweyi o uyunga o popere mwenyo goge. Ogu a uyunga nkenye omu, mwene a lihanagura po.

Nsene o dira kupisura munoge, kapi wa mu hara. Nsene asi wa mu hara, ngo mu pukurura.

Endindiro nsene li teka po, yigo mutjima guna teka po, nye nsene yi sika mo eyi wa rotera nzodi, to hafa unene.

Uhungami kupopera wokupira unzoni; udinikarunga yiko kugwa kovanzoni.

Yokugwana ugawo woge popareru, usimbu hena kuuzumbanesa. Yokuugwanena popadigu, yimo ngorooro ngo kara nawo.

Kulitumba udigu welike aku reta. Yoyiwa po yokuhundira evyukiso.

Muntu gomuwa nga kara nemona lyokukapinga nonontekuru dendi, nye emona lyovananzo ngali za kovahungami.

Mumati gomunongo kuyipakera mbili, nsene tava mu pukurura oguhwe, nye muntu ogu ga litumba, kapi a pura asi mepuko ana kara.

Ogu ga dira kuhara kulironga, nga kara moruhepo nonomuga. Ano ogu a purakene komapukururo, nga kara nekuto.