Popular Bible Verses from YISEWE 11

Share

Kara ono manguruka, makura ngo ragopa. Kwafa vakweni nove ngava ku kwafe.

Vantu vamwe kugava yimaliva yawo nomutjima gomuwa, nye hava ngawopera ngorooro. Ano vamwe kukara nouruva, makura tava heperere ngorooro.

Vantu wokulinenepeka usimbu kuvafisa nomuga. Nye unongo kukara pwava va linunupika.

Muhoko kugwa nsene kapi gwa paka vapukuruli. Vapukuruli wovanzi kuninka asi eparu.

Uhungami kureta mwenyo, nye evhundakano tali gu gusa po.

Nagumwe si ogu a wazauka gokuvhura kuhuguvarera yokutura komutjima, nye ove kuvhura kuhuguvara ogu va fira kuhuguvara.

Ove kuliruganena nyamoge uwa, nsene wa ragopa. Nye nsene o mupikipiki to liremekesa nyamoge.

Ava tava likwaterere kemona lyawo ngava ragumuka ko ngwendi yihako yepemba, nye muhungami nga ragopa ngwendi yihako yopokurombo.

Ugawo kapi ngau ku kwafa ezuva lyonomfa doge, nye unasili kuvhura kuparura mwenyo goge.

Nsene asi o muwa, usili au ku pangere. Nye vantu ava va dira kuhuguvara, yimpempa yavene ngayi va hanagura po.

Ewapo lyomukadi ogu ava dili kuuyunga monaruwa, kwa fana ngwendi kalinga kongorodo aka vana zweke mezuru lyosinguru.

HOMPA kwa nyenga ava woyiviha yoyimpempa. Ano ava wonoheteko domousili age kwa va hafera.