Popular Bible Verses from Mateusa 2

Share

Makura tava hwilire monzugo, tava gwana mo munona nozina Mariya, tava tu nongoro va mu tongamene. Kutunda opo tava rongorora ugawo wawo, tava mu hwire uhwi wongorodo nomanganganga gokututumikidisa nomira.

Opo va mu hampurukilire Jesus moBeterehema zomoJudeya mouzuni wahompa Herodesa, yipo va wizire vakonentu vamwe koJerusarema, va tunde koUpumezuva. Makura tava pura asi: “Kupi ko ana kara hompa goVajuda, ogu kava hampurukire? Yeeyi ose kwa monena mbungururu zendi koUpumezuva, makura yiyo tuna wiza, tu ya mu tongamene.”

Apa va mwene mbungururu, tava hafa makuruhafa.

Morwakuvatantera Karunga konzodi asi va ha tengura hena kwaHerodesa, yiyo va tengwilire kwawo nonzira peke. Vena eyi va za ngoso, Josefa ta mu monekere muengeli gwaHompa monzodi, makura ta mu tantere asi: “Pinduka, o guse munona nozina, o tjwayukire koEgipite, o ka kare nawo kooko dogoro noku ngani ka ku tantera, yeeyi Herodesa kuna kupingira a papare munona, a ya mu dipage.”