Popular Bible Verses from JESAYA 62

Share

Kapi ngava ku tumbura hena asi “Muzumbwa,” Ndi sirongo soge va si tumbure asi “Mukadi ogu va zumba.” Edina lyoge lyepe ngali kara asi: “Karunga kwa mu hara.” Sirongo soge ngava si tumbura asi “Nonkwara derago.” MorwaHOMPA ga ku hafera. Ano age nga kara ngwendi yige mugara gosirongo soge.

Jerusarema, komakuma goge, vakwayita na tura ko, awo kapi ngava mwena masiku nomutenya. Awo yiwo kudiworokesa HOMPA matumbwidiro gendi kapi ngava mu siga a divare. Awo kapi ngava mu siga asi a pwizumuke dogoro kooku ana kutungurura Jerusarema a si ninke sitata sokufumadeka uzuni naunye.

Ove ngo kara ngwendi nkata zongwa zaHOMPA.

Moomu a kwara mumati mukadona, nogu ga ku unga nage yimo nga ku kwara. Moomu tupu a hafere mukwali mufuko gwendi, naKarunga goge nage yimo nga ku hafera.