Popular Bible Verses from JESAYA 54

Share

Nye nosirwiso si simwe esi ngasi ku rwadeka, ove hena ngo limburura navenye ava ava ku rundire. Vakareli vange ngani va gamena tani va pe efundo.” HOMPA yimo ana kutanta.

Nondundu noyindundu kuvhura yi linyungange, nye eharo lyange lyokukuhara kapi ngali haga. Etumbwidiro lyange lyombili ngani li dameka ngorooro.” HOMPA ogu ga ku hara, yimo ana kutanta.

Wa ha tjira — ove kapi ngava ku fisa hena nomuga, kapi ngava ku swaura. Ove ngo divara kudira kulimburukwa koge ngwendi mukadona, noulike woge ngwendi mufisayendi.

Musiti goge nga kara ngwendi mugara goge — edina lyendi HOMPA Munankondo. Karunga mupongoki gwaIsraeli yige nga ku parura — age yige mupangeli gouzuni naunye.

Goworora tenta ezi wa kara; repesa nongodi dazo o koreke nontungo dazo!

“Vantu woge nyamwange ngani va ronga, tani va ragopeke ni va pe mbili.

Ehandu ngali litura tupu mokaruwogona, nye eharo lyange ngani li ku likida narunye.” HOMPA muparuli goge yimo ana kutanta.

“Ame kwa ku siga tupu karuwogona, Ame ngani ku tengwida neharo lyewa.

“Posiruwo saNowa ame kwa pingida asi, kapi hena ngani hanzesa ruhanzo pevhu. Ano nye ntaantani ngesi kuna kutumbwidira asi ame kapi ngani ku handukira hena nampili nakauke, ndi asi ni ku handukire ni ku tangwise.

Maruhungu goge nago ngani ga tungwilisa nomamanya gomageha gondiro. Ano marungavero goge nomamanya ngwendi mundiro nekuma lyoge ngani li kundurukida maurenga.